Wana Koiola kogokonna kohtun, Wissel, sel 16tal april 1879.

Man olliwa kohtuwanemb: Mihkel Kurwitz

                    kohtumees:     Jaan Plakk

                    kohtumees:     Karl Tobrelutz

Jaan Wäikene kaibap oma poja Jacob Waikene pääle:

1. Et poig Jacob ei anna maaja rahwale süwwa, nink lääp aida wõttindega kottost mitmes päiwas ära, et midagi katte ei saa. -

2. Et Jacob Waikene om mitto aastat tagasi emale rindo löönu, nii et see ema Mari Waikene, sest om krambi tõbe saanu. -

3. Kaibaja tahap oma poiga Jakob ära ajada, selleperast et tema sääratsen talon ei wõi elada - nink oma poiga Jacobit wanemba poja perimise õigusest wallale teep. -

I. Jacob Waikene wastutas, et selle esa kaibus pesmise nink söögi keelmise perast om wõls.

II. Maaja õigust ei luppa kaiwaten mitte hinda käest anda, selleperast, et tema om jo paljo aiga peremees olnu, nink maaja eest hoolt kandnu nink massu masnu. Esa kae santi kirjan nink töö jõwwetu, ei wõi enamb määrastki maija walita.

Mõistetu: Et söögi keelmise kaibuse nink pesmise üle määrastki tunistust ei ole - niisama kogokonna kohtu teede kaibaja Jaan Waikene walla santis om nõu kohtu pool arwatu - nink selle perra peremees nink maaja pidaja ei woi olla. -

Otsus:

I. Pesmise nink tüli kaibusest jääp Jacob Waikene prii. -

II. Maaja perip Jacob Wäikene, peap täämbatsest päiwast kiiki Kroono nink kogokonna massu masmise eest wastutama; nink peap ommi wanembit toitma seeni ku naa elawa. -

Kohto käujile otsus ette loetu, suuremba kohtu kaumise säädus § 772,773,774 perra kuulutetu.

                                    Kohtuwanemb: M Kurwitz

                                    Kohtumees: Jaan Plakk  XXX

                                            do          Mihkel Plakso  XXX

                                        Kirj. P. Black

Jaan Wäikene kuulut, et tema selle otsusega rahu ei ole, pallel suurembit kohut kawwa, mes ka lubatus sai.