Peter Kossmanni nõudmise asjan eestminneki rahha perrast ostja, Johann Kameli käest, sai täämba, Päkohtumehhe Mango Mariz, abbikohtumehhe Joh. Perw, Wallawannemba Karl Rosenthal nink Wöörmöndre Johann Terrase läbbi, se Mikko Tallo hone kik kõrraperräst läbbi kaetus, nink sääl man holetuse puudusi lõitus ja ärrakaalutus, nimoodu, kui siin allan üllespantu: 

1. Ellotarre Kattusest, mis ülle kiiges parrandamisse wärilinne, sai ülleswõetus ennegi ne Kottuse, misläbbi kõrwulise kambre ärramäddanu ommawa, nimmelt:

a. üts ellokambre kol ni ärramäddanu, et ähwärdap kokko satta nink sunnip wastast teggema 10 Rbl.

b. Tarre kõrwal ärramäddanu kattuse perrast üts ziapaht koggoni ärramäddanu nink puudus  15   "

c. halwa Kattuse perrast üts popsi laut kokko saddamisel, talla ja laggi mahha saddanu, ranz hirre ärramäddanu, wälja wajonu, selle ümbre ehhitamist 15 Rbl.

d. 10 ruutu süld tarre Kattust neide kottuside päält, kos läbbijooskmise läbbi puu all mäddanu om,a'1 Rbl. 25 Kop - 12 Rbl. 50 Kop.

2. ütte popsi aida koggoni ärra lõpnu kattusest, pool wastse Kattuse hinda 12 ruutu süld a' 1 Rubl. 25 Kop. arwat, teep wälja 15 Rubl. sellest pool 7 Rbl. 50 Kop.

3. ütte halwa kattuse perrast hukka lännu ütsiku lauda eest, mis assemele ostja weel suwwel ütte wastast ehhidama piddi, selle, et täl ellajit kohheki mitte panda ei olle 40 Rbl.

Summa 100 Rbl.

2te wakkala teggematta jättet röa eest nurmemaa päle a' 15 Rubl. 30 Rbl.

üttekokko 130 Rbl.

Sai mõistetus: Kui nemma henda wahhel leppingut ei te, et sis Peter Kossmanni ülleüldsest eestminneki rahha täwweliko nõudmisest, suur 130 Rbl. 5 Kop., lõitu puuduste tassumisses 130 Rbl. mahha arwatus saap, nink mis ülle jääp, peap Johann Kamel, rentnikule, Peter Kossmannile wälja massma.

Suremba Kohtun Käimise säädus sai neile se man kulutedus.