Anz Rosenberg kaibas sisse, et Kasper Prisko tedda awwalikult Möldre Kõrtsin trotsnu, tälle etteheitnu, et temma sandi Martha Pundertokko moona ärrawõtnu olles, kes Kasper Prisko man ellap, nink küsinu: " Kas sinna minno pool käwwet ka?" üttelnu Anz Rosenberg: " Käwwe küll, kolm kõrd, abbilise pallema rükka põima"; Selle pääle üttelnu Kasper Prisko: " No, sis minna lasse Wöörmöndrel sinno Oppetaja Herra poole tallitada, selle, et sinna ollet nimmitet sandile latse tennu!"

Sedda olles kuulnu: Wöörmöndre Peter Sollmann, Samul Lannemann nink Kasper Timpka; ka olles Anz Rosenberg kuulda saanu, et nimmitet sant ka wistist rassejallaline ollew, mis läbbi temma omma awwu weel ennamb rikutu tunnep. 

Anz Rosenberg wõt omma kaibust, wasta Kasper Prisko, taggasi nink and ülle, et temma Kasper Priskoga ärra lepnu om.