Karl Kuuse nõudmise päle wasta Karl Bergholtzi, ütles Bergholtz, et temma käsk, sullast Karl Kuus wasta olnu, kunnagi hobbest wallale, ennegi iks kapla hainamaa pääl sööma panda.

Selle kässu wasta teggemise perräst olles Karl Berghotz päkohtumehhe Mango Maritze kuulden, sullast Karl Kuus tõrrelnu, nink kapla pudusest ei olle Karl Kuus middagi kõnnelnu. Nisammoti tunnistap Kohtumees Johann Perw, et temma mitto kõrd Bergholtzi hobbesit kablan nännu, enne sedda mõistmist.

Kui nüüd Karl Kuus perremehhe tõrrelemise man, mis perrast hobbest mitte ei panne kapla, Mango Maritza man ollen mitte nimmitanu, et kapla ei olle, nink Karl Kuus tõisitamist wasta, et kapla perremehhel ei olnu, tunnistap ka Johann Perw, Bergholtzi hobbesit enne sedda mõistmist kablan nännu, nink ka oma Karl Kuus henda tunnistuse perrä, et temma perremehhe käest mitte kapla küsinu nink hobbese wallale sööma pandnu, sai mõistetus: et se mõistet 1 Rbl. Trahwi mitte perremees, enge Karl Kuus kanda peap, nink Bergholtzi käest selle nõudmist ei olle.