Rautseppa Karli läsknaine Marja Arder kaibas, et kül temmal palk mitte leppit olnu, enge jäänu töömöödu pääle, paljos ommale priipäiwi perremees jättap mannu tenistuses, ent nüüd olles temma kui tüttrik kik täwweste Mõisa orjuse wälja tennu, aigu henda tarbis mitte ennamb saanu kui egga näddali pool päiw.

Essi tenistuse ajal es olles perremees temmale poolpäiwal ja pühhapäiwal mitte süwwa andnu, nisammote ka üllekiges ennegi kats paari zooge, nüüd sunnis ka linna puhhastamise töö päle, es annas sääl man ei kängist jalga, ei ka pühhapäiwal süwwa, nink lubbasi palka ennegi: 2 wakk rükki, 2 wakka keswi, 1 külmit hernit nink 1 külmit uppe, kui aljo Linno, sedda temma es tijas. Nimodu ei arwa temma selle palgaga üllespiddamist saija nink nõwwap 2½ wakka rükki ja 2½ wakka Keswi, 1 külmit hernit nink 1 külmit uppe nink linno omma jaggu.