Wana Koiola kogokonna kohtus, Wissel, sel 16tal april 1879.

Man olliwa: kohtuwanemb Mihkel Kurwitz

                    kohtumees: Karl Tobrelutz

                    kohtumees: Mihkel Plakso

Joosu mees Peter Jaanson kaibap, et mõtsawaht Wreimann om temale 60 puud müünu nink 5 rubl käeraha wotnu ei ole neid puid saanu; nõwwap selleperast nüüd weel neid lubatuid kuuse puud 80 kopka eest tük nii see kaup olli olnu. 

Jakob Wreimann wastutas, et tema om Jaanson metsaherra mano ajanu pallema et see temale nee puu lubas katte anda laske mes pileti pääle ole Wana Koiola mõtsast saada; - ent Jaanson ei ole metsaherra mano mitte lännu küsima, kunas neid puid wõip kätte saada - selleperast om pidanu muile puu ära müüma. Käe raha om kül 5 rbl saanu, lubap seda tagasi anda. -

Mõistetu: Et Peter Jaanson Kroono metsaherra käest, neide kaubeldu puude kätte andmise luba ei ole pallelnu. - mes Wreimann temale kauba tegemise man kasknu. 

Otsus: Jacob Wreimann massap Peter Jaanson le ennegi 5 rubel käe raha tagasi 14 paiwa sisen. -

              jääp muido sest puu andmisest priis. -

Kohtu käujile otsus ette loetu suuremba kohtu käumise säädus § 772,773,774 perra kuulutetu. -

                             Kohtuwanemb: M Kurwitz

                             Kohtumees: Jaan Plak

                             Kohtumees: Karl Tobrelutz

                                      do        Mihkel Plakso

                               Kirj    P. Black

Peter Janson kuulut et tema selle otsusega rahu ei ole pallel suurembat kohut käwwa mes temale ka lubatus sai.