Wana Koiola kogokonna kohtun, Wissel, sel 23tal april 1879.

Man olliwa kohtuwanemb: Mihkel Kurwitz

                    kohtumees: Jaan Plakk

                             do        Karl Tobrelutz  XXX

Karl Tobrelutz kaibap, et Wahtse Koiola mees Johan Narrusk om ommi zikkoga tema röa ära söötnu - nõwwap 3 mõõtu rükki - ehk 6 zea päält 6 rbl. -

Johan Narrusk ütles, et tema ei tiija röa söötmisest midagi. -

Üts kõrd om teda kaema kutsutu, sis om enne nännu, et üts saane laiu plats olnu Karl Tobrelutz rüka ära söödu. -

Kaibaja panep Mihkel Lilo nink An Koolma tunistajas. -

Mihkel Lilo ütles kolm zikka Karl Tobrelutz röan nännu olewat, ei tiija üttelda kellel na omma olnu. -

An Koolma ütles wälja, et tema om selgest nännu, kui Johan Narrusk zea om(m)a Karl Tobrelutz röan olnu, mes tema weel Johan Narruski karja mano ajanu. -

Johan Narrusk ütles, et An Koolma om esi karjus olnu, nink wõip see kuri töö esi tennu ollew. -

Karl Tobrelutz nõwwap oma katte paiwa ajawiitmise eest 2 rbl Johan Narrusk käest, et tema ei ole kogokonna kohtu ette tulnu. -

Mõistetu: Et keaki seda kurja tööd ei ole üle kaenu kui suur see olnu, et aga siski tunistus om et Johan Narrusk zea kaibaja röan omma olnu. Nink Wahtse Koiola wallawalitsusele kats käsku saanu, Johan Narrusk siija ette talitada.

Otsus: Johan Narrusk massap Karl Tobrelutz´le 1/2 wakka rükki nink 60 kopkat aja wiitmise eest 14 päiwa sisen ära. -

Kohtukäujile otsus loetu, suuremba kohtu kaumise säädus § 772,773,774 perra kuulutetu.

                                        Kohtuwanemb: M Kurwitz

                                        Kohtumees: Jaan Plakk  XXX

                                        Kohtumees: Karl Tobrelutz  XXX