Laswa mõisa sullane Jakob Harrak tulli ette nink tõst Peter Otsa päle kaibust, kes nüüd Pindi wallan ello asend peap, et se om püha päiwa õddang sel 27 Mail ütte kiwwiga temma pä lahki lönu, nida et temma nüüd ommast terwisest kogonist ilma om, nink ennamb suggugi tööd tetta ei woi, ja pallel et Peter Ots tedda seni ajani kui terwes saap rohitses ja ülles peas, kelle ülle ka Laswa mõisa sullase Ott Pettai, Ado ja Hindrik Küppas tunnistada woiwa.

Peter Ots Pindi wallast ette kutsutu and eensaiswa kaibuse päle wastust, et temma Jakob Harrakat mitte lönu ei olle, enge Harrak om kül temmaga tülli nakkanu ja temma särgi ärra kaknu, kelle ülle ka Pindi walla mees Jaan Soosarw ja Laswa walla mees Peter Nirk nink Laswa mõisa sullase Joseph Sõnna ja Hindrik Mürk tunnistada woiwa.

Pindi walla mees Jaan Soosaar kes täämba siin olli and tunnistust, et Jakob Harrak om ennegi Peter Otsale kõrda wiis kulagoga rindo lönu kelle päle kül Peter Ots Jakob Harraka pä lahki om lönu ütte kiwwiga.

Otsus: sel 11 Junil ette kutsu Ott Pettai, Ado Rabbowõitra, Hindrik Küppar, Josep Sõnna ja Hindrik Mürk Laswa mõisa politsei läbbi, ja Laswa wallast Peter Nirk.

Päkohtumees

kohtumees Jakob Eichorn

      "             Peter Päss

Kirjotj.: J.Kirrop