Wana Koiola kogokonna kohtun, Wissel, sel 23tal mail 1879.

Man olliwa kohtuwanemb: Mihkel Kurwitz

                    kohtumees: Jaan Plakk

                             do         Karl Tobrelutz

Peter Rausep Timmo mees kaibap oma sõsare pääle Marri Kade - et temal selle kätte jäänu 1 tek 5 rbl - nink sõsare pidamist 22 nädali eest nõwwap 22 rbl. -

Mari Kade wastutap oma mehe Peter Kadega, et tema ei ole määrastki tekki wele käest saanu.

Ulespidamise perast anap wastust, et tema weli Peter Raudsep om teda henda mano teenuski kaubelnu, nink nõwwap wele käest katte aasta palka 35 rbl kätte mes weel saamata.

Kogokonna kohtuwanemb Mihkel Kurwitz annap tunistust et Peter Raudsep om Mari Kade henda mano tema mant teenuskist ära kisknu. -

Peter Raudsep ütlep sõsarele ehted palga eest ostnu olla, mes üle arwo ei tiija üttelda.

Mõistetu: Et see awalik et Peter Raudsep oma sõsard henda poole teenuski kaubelnu, kumma eest palk masmata - nink selle üle tunistust ei ole et Mari Kade Peter Raudsep käest oles tek saanu. -

Otsus: Peter Raudsep peap Mari Kadele 4 nädali sissen kui teenitud palka 35 rbl ära masma.

                     Ära lepnu. -