Mihkle Kreewald, kes mitmasuggutse Kohtu asju selletamise perrast, ossast omma rahwaga, ossast wõõra rahwaga, se Kohtu ette rohgemb pool aastat tellitus om sanu, nimmelt om temma perräst Wanna Anzla Wallawallitsusele kirjotetus saanu; üts kõrd Wöörmöndri Anz Prisko läbbi, nink kats kõrd Kohtumehhe Johann Perwe läbbi kässu sanu, ent mitte enne es tulle, kui wiijes kõrd temma katte Kohtumehhe läbbi toodus sai.

Kui Johann Perw temmale kässu andnu, wastutannu Mihkle Kreewald: " Kae minna enne ei lähha Kohtu ette, kui minno wiijas!"

Kui nüüd Mihkle Kreewald kohtu kässule ni wastapandlik nink sõnnakuulmatta om, et tedda eggakõrd kui õnn om kätte saada, Kohtu ette peap toodus saama, ent temma kurja teggude perrast, temma päle kaibaja egga kõrd iks ilma asjanda kohtu ette käiwa, sai Mihkle Kreewald, selle et wiimatsel kohtu päiwal, kohtu tallitaminne, palju asju perrast, jõulle kesköö läts, perra kullemise perrast kinni pantus, kost temma ka ärrapaggesi, 

Sai mõistetus: Mihkle Kreewald se häbbematta, wastapandlikko nink sõnnakuulmatta olleki perräst 30 witsa hoopi anda nink kullemise Kohtu alla jälle seni kui reedini kinni panda.