Sant Martha Pundetok kaibas, et temmal üts tüttar sündino kattri päiwa ümbrel sel aastal 1873, and ülles, et Peter Luspu selle latse Essa olles, kellega temmal lihhalik seggaminne olnu, kui nemma kawwa aiga ütten koon Tokko pool ellanu nink kewwajal 1873 weel lännu Peter Luspu tõiste paika tenistuste, nink nõud selle latse nimmitet Essa, Peter Luspu, käest kaswatamises abbi saada.

Peter Luspu tunnist, et temma Martha Pundetokkoga kül ütten sängin saggetaste magganu om, ent mitte tedda putnu ei olle.

Kui nüüd Peter Luspu omma tunnistuse perrä, sandi Martha Pundetokkoga ütten sängin saggedaste magganu, minkast selge om, et temma se latse Essa om, Sai mõistetus, et Peter Luspu peap egga aasta 8 Rbl. Martha Pundetokkole latse kaswatamises ette ärramasma, nikawwa, kui lats sääduslise wannas om saanu, selleperrast, et Peter Luspu ütte santi, ristiinnemiste häbbis nink Walla kahjus, ärraraisanu om, massap 2 Rbl. tõisist rohgemb nink saap 20 hoopi ihho karristust.

Peter Luspu es olle sellega rahhule, misman temmale suuremban kohtun käimise säädus kuulutetus sai.

Sel 27.01.1876 sai ne sissemastu 8 Rublit Kasper Prisko kätte wälja mastus ette se aasta eest, sest 25. Nowbr. 1875 kunni 25. Nowbr. 1876. ae Protokoll sel 12.12. 1875 N 395.

Sel 10. Webr. 1884 andsewa Peter Luspuu ja Kasper Prisko kohtu een üles, et nüüd weel Peter Luspuu 40 Rbl. Martha Pundetok latsele masmata nink Kasper Prisko lubab seda temale kinki niimoodu, et Peter Luspuu peab temale ja tema perele kõik rõiwa ümblema, ni kauga kui mõlemaba elawa, nink wammile mis ütsinda tema majan ellawa. Seda lubas Peter Luspuu täüta nink jäiwa mõlemba selle pääle kindmaks kirjotamisega.