Wana Koiola kogokonna kohtun, Wissel, sel 23tal mail 1879.

Man olliwa kohtuwanemb: Mihkel Kurwitz

                    kohtumees: Karl Tobrelutz

                        do              Jaan Plakk 

I. Jaan Parksep kaibap, et wöörmöndre Peter Lutzar teda trotsnu, sellega, et naise man oles käunu, nii et elada sääl ei wõi - nink nõwwap oma trotsmist perra kullelda - ja om ka selle perast teenistusest ära lännu. -

II. Kaibap, et Peter Lutzar ei ole temale minewa aasta 44 rbl palka ära masnu, nõwwap seda kätte. -

Peter Lutzar wastutas et naise man kaumise perast tema Jani Parksepale midagi üttelnu ei ole - se om wõls - et sulane es tohi ilma wallawalitsuse teedmata peremehe mant ära minna - nõwwap teda teenistuste tagasi, kui ta tulla tahap, aga kui ta teenistuste tagasi tulla es taha, sis nõwwap tema aasta palk 55 rbl Jaan Parksep käest mes lepitu.

Jaan Parksep utles et tema ei taha tagasi teenma Peter Lutzar mano minna.

Peter Lutzar ütles kül Jaan Parkseple 44 rubl 1878 palk sisen olla. -

Mõistetu: Et trotsmise üle määrastki tunistust ei ole ei woi selle üle midagi mõistetud saada. Awalik om et Peter Lutzaril 44 rubl palka Jaan Parksepale massa om. -

Otsus: Peter Lutzar peap Jaan Parksepale 44 rbl palka katte kuu aja sisen ära masma.

2. Jaan Parksep peap oma lepitu aastaig Peter Lutzar man ära teenma - kui ta seda ei tee massap aasta palk 55 rbl, hommen peap teenma ära minema.

Kohtu kaujile otsus ette loetu suuremba kohtu kaumise säädus § 772, 773, 774 perra kuulutetu.

                              Kohtuwanemb: M. kurwitz

                              Kohtumees: Jaan Plakk  XXX

                                     do           Karl Tobrelutz  XXX

                                            Kirjotaja P. Black