Wana Koiola kogokonna kohtun, Wissel, sel 4tal junil 1879.

Man olliwa kohtuwanemb: Mihkel Kurwitz

                      kohtumes: Jaan Plakk 

                           do           Mihkel Plakso

Timo mees Jacob Plaado kaibas, et tema om andnu An Hämalane Thoma tõttes 25 rbl raha käerahas, et se temale naeses pidi saama - ei ole tulnu naises nõwwap seda raha kätte. -

An Hämalane nüüdne Jaan Keerd naine eestsaisjaga Johan Keerd wastutas et tema ei ole määrestki raha Jakob Plaado käest wõtnu - tema om pandnu kül ütte raha aita laudu pääle, mes perast säält ära kadonu;  - ei ole ka enamb perast henele naises tahtnu wõtta - et kül sellepääle mitto teedmist saatnu, om weel päälegi trotsnu, et sina jäit pimedas mina sinno naises ei wõtta. -

Mõistetu: Et Jacob Plado esi om lepingo ära riknu, nink tütreku An Hämalane naises ei ole wõtnu, ent henele naise wõtnu mes joba kolm aasta tagasi - nink

25 rbl kolme aasta eest An Hämalane käerahas andnu - kee nüüd 1879 aastal Jaan Keerdle mehele lännu: - ei wõi käe raha andja, kui oma lepingo pakja raha tagasi perida. -

Otsus Jacob Plaado ei sa An Keerd /endine Hämalane/ käest midagi. -

Kohtukäujile otsus ette loetu, suuremba kohtu kaumise säädus § 772, 773 nink 774 perra kuulutetu.

                              Kohtuwanemb: M Kurwitz

                                Kohtumees: Jaan Plakk  XXX

                                      do            Mihkel Plakso  XXX

                                              Kirjotaja P. Black

Jacob Plado kuulut, et tema selle otsusega rahu ei ole, pallel suurembat kohut käwwa, mes ka lubatus sai. opusleht kätte antu.