Wöörmünder Jakob Hermlin kaibas: "Kui meije Leese tallos palke mõtsast wäljaandse, olli soldat Peter Simm penemba palki kui kästu olli, päle ajanu nink et Peter Simm sedda palki mitte (sani) ree päält mahha es aja enge eddesi sõita tahtse, wõtse mõtsawaht Johann Laas Peter Simm hobbese ohjast kinni, et agga Peter Simm henda hobbesele pitsaga löös läts se hobbene ütte risti een maan ollejn palki wasta ni et Peter Simm jalg temma ümbreminneja palki alla jääs, keddas meije palki alt ärra pästse. Kui Peter Simm palki alt ülles pässi wõtse Peter Simm ütte puu maast ja ähwardas minno sellega lüwwa nink ütles: "Teije lakkute siin ennegi mõtsan." Sis tulli Andrus Simm kelles üts poom säljan olli nink ähwardas sellega lüwwa.
Ado Lamann olli ka ütten: "Köödre Jakob ei olle siin muud teggema tulnu kui lakma."
Soldat Peter Simm kostis selle kaibuse päle nidate: "Minnol es olle palk mitte ennamb penemb kui 1/4 tolli, mis perrast Jakob Hermlin minnol sedda palki mahha ajada käskse, et minna ka kül selle perrast pallesi, es awwita se middake, enge Johann Laas wõtse ohja ja Kasper Pill kopputas selle weido sülle puuga, mispäle hobbene eddesi läts ni et palk minnole päle saddas. Minna neid mitte puuga lüwwa ähwardanu es olle nidasammute es ähwarda minno welli Andrus keddagi lüwwa, kes ütti pomega minnole palki ajamissen abbis tulli. Minna sedda mitte üttelnu ei olle, et nemma muud siin mõtsan ei tee kui lakkuwa. Jakob Hermlin sõimas minno kül mitmel wisil, kui soldati sandis, ja muido roppus wisis.
Mõtsawaht Johann Laas (Lutteri usko) andse nidate tunnistust: "Kui Jakob Hermlin Peter Simmil mitte es lubba palkiga minnema minna, wõtse minna P. Simmi hobbesel üttest ohjaharrust kinni nink sis löös P. Simm piitsaga ommale hobbesele, ni et se palk temmale ja minnole päle tulli, kust sis tõise, kelle sean ka Jakob Hermlin olli meile abbis, selle päle wõtse Peter Simm ütte puu, kellega temma minno lüwwa ähwardas. Andrus Simm tulli ka sinna manno nink olli temmal üts poom säljan, kellega se ka lüwwa tahtse. Minna lätsi ärra eddesi nink ei tija mis perran sünnis."
Selles 9. Märtsis s.a. ette tallitada: Andrus Simm, Ado Lamann, Hans Laas, Kasper Pill ja Karl Kornell.
Peter Simm tunnistaja: Peter Pill, Johann Pill, Andrus Pill ja Ado Lamann nink Ado Hire.
Kohtomees Jaan Treumuth XXX
" Werdi Leinus XXX
" Andrus Püwwi XXX
Wöörmünder Jakob Hermlin kaibas: "Kui meije Leese tallos palke mõtsast wäljaandse, olli soldat Peter Simm penemba palki kui kästu olli, päle ajanu nink et Peter Simm sedda palki mitte (sani) ree päält mahha es aja enge eddesi sõita tahtse, wõtse mõtsawaht Johann Laas Peter Simm hobbese ohjast kinni, et agga Peter Simm henda hobbesele pitsaga löös läts se hobbene ütte risti een maan ollejn palki wasta ni et Peter Simm jalg temma ümbreminneja palki alla jääs, keddas meije palki alt ärra pästse. Kui Peter Simm palki alt ülles pässi wõtse Peter Simm ütte puu maast ja ähwardas minno sellega lüwwa nink ütles: "Teije lakkute siin ennegi mõtsan." Sis tulli Andrus Simm kelles üts poom säljan olli nink ähwardas sellega lüwwa.
Ado Lamann olli ka ütten: "Köödre Jakob ei olle siin muud teggema tulnu kui lakma."
Soldat Peter Simm kostis selle kaibuse päle nidate: "Minnol es olle palk mitte ennamb penemb kui 1/4 tolli, mis perrast Jakob Hermlin minnol sedda palki mahha ajada käskse, et minna ka kül selle perrast pallesi, es awwita se middake, enge Johann Laas wõtse ohja ja Kasper Pill kopputas selle weido sülle puuga, mispäle hobbene eddesi läts ni et palk minnole päle saddas. Minna neid mitte puuga lüwwa ähwardanu es olle nidasammute es ähwarda minno welli Andrus keddagi lüwwa, kes ütti pomega minnole palki ajamissen abbis tulli. Minna sedda mitte üttelnu ei olle, et nemma muud siin mõtsan ei tee kui lakkuwa. Jakob Hermlin sõimas minno kül mitmel wisil, kui soldati sandis, ja muido roppus wisis.
Mõtsawaht Johann Laas (Lutteri usko) andse nidate tunnistust: "Kui Jakob Hermlin Peter Simmil mitte es lubba palkiga minnema minna, wõtse minna P. Simmi hobbesel üttest ohjaharrust kinni nink sis löös P. Simm piitsaga ommale hobbesele, ni et se palk temmale ja minnole päle tulli, kust sis tõise, kelle sean ka Jakob Hermlin olli meile abbis, selle päle wõtse Peter Simm ütte puu, kellega temma minno lüwwa ähwardas. Andrus Simm tulli ka sinna manno nink olli temmal üts poom säljan, kellega se ka lüwwa tahtse. Minna lätsi ärra eddesi nink ei tija mis perran sünnis."
Selles 9. Märtsis s.a. ette tallitada: Andrus Simm, Ado Lamann, Hans Laas, Kasper Pill ja Karl Kornell.
Peter Simm tunnistaja: Peter Pill, Johann Pill, Andrus Pill ja Ado Lamann nink Ado Hire.
Kohtomees Jaan Treumuth XXX
" Werdi Leinus XXX
" Andrus Püwwi XXX
