Ette tulli Wanna Kuustest Johann Sulg ja kaibas wannu kohtumeeste Johann Weiko, Jakob Kahre ja Jüri Jõgeva  pääle, kes Jüri Morast kraami kirjotamise man oliva kõige ülles kirjotanu mes latse ja neide oma kraam olnu, sis olewad weel  mõni jago kraami saamata, nii kui kolm wakka kaaro ja kanga telle.

Johan Weike tunnistus.

Saijewa nee tunistja nõwwetus, Peter Perli saije nõwetus karo ja tellete peräst, ütlep kaara ja telle jäänuwa tuust kirjotamisse kraamist wälja, tuud nõudnu Sulg kätte; lubanuwa ka nuu kohtomehe kohto manu selletämä tallitada.

Tunistaja Jaan Kirber tunistab, et kraami kirjotamisse om jäänu Wanna kuuste kraam wälja, nii kui kaara ja telle muud kraami es ütle teedwad, ja om ka lubatu kohto man selletäda.

Tunnistaja Johann Juur tunistab: et temä kirjotamise kraamist midagi ei tija.

Tunistaja Jaan Hämälane tunistab, et temä sest asjast midagi ei tija.

Tunistaja Karl Heiko tunistab, et tolle kirjotamise man oma Wana Kuuste asja wälja jäänuwa, nii kui kaara ja telle, muust asjast es ütle midagi mäletawad.

Wana Kuustest tunistaja Jaan Siemer tunistab, et tu kirjotamisse man oma neide asja wälja jäänuwa, nüüd om muido kätte saadu, enämb kui kaara ja telle oma saamata, ja om ka lubatu kohto manu kutsu.