Wana Koiola kogokonna kohtun, Wissel, sel 30 julil 1879.

Man olliwa kohtuwanemb: M. Kurwitz

                      kohtumees:    Jaan Plakk

                       kohtumees:   Karl Tobrelutz

Peter Haidak kaibap, et temal om kats aastat taggasi ära warastetu, aida usse lahkmise man - 150 rubl, 1 wastne kask 8 rbl 2 paari pokse 5 rubl - nink muid rõiwit nink kangit 100 rbl eest warasteu.-

Täämbatsel päiwal annap Johan Kattai üles, et tema om Otto Lutzga nink 1 Rasina mees Jägeri Joosep Peter Haidak poole lännu nink sääl om Otto Lutz aita lännu selle Rasina mehega ust wallale künni rawwaga kongutelen, om(m)a asja säält wilja wõtnu - nink Rasina mes om henda poole weenu, selle man om tema aida nukkelt wahtnu, ent osalises ei ole tema sest wargusest sukkuki saanu. -

Et see warguse asi suur nink Johan Kattai üles andnu, et Otto Lutz Rasina mehe Jõgri Joosepiga Peter Haidak aida usse lahknu, nink säält warastanu, selleperast saap see waras Otto Lutz wangi wiisi Keisrlikku Wõrro Maakohtu kätte saadetus, üllekullemise tarbis. 

                                          Kohtuwanemb: 

                                            Kohtumees: Jaan Plakk

                                                 do             Karl Tobrelutz