Wana Koiola kogokonna kohtun, Wissel, sel 30. julil 1879.

Man olliwa kohtuwanemb: M. Kurwitz

                         kohtumees: Jaan Plakk

                                 do         Karl Tobrelutz

Peter Oina kaibap, et Jaan Pihho weski tammi läbi tema haina maa kahjo saap, nõwwap et Pihho tema lina peap rabama, nink kolkma. 

Jaan Pihho wastutas, et temal om weski tettu, enambust lina ajamise tarbis peremeeste luba al kelle haina maa selle tammi pääl om, ent Peter Oina ei ole temale midagi seeni üles andnu, et tema kahjo saas, ent siski lubap tema seda kahjo, mes Oina saap kohtu arwamise perra massa, aga mitte nii paljo kui nõud-

mine om.

Kaibusest, mes paljo suuremb kui see kahjo wast wõip olla. -

Mõistetu: Et kogokonna kohtu üle kaemise pääle määrastki kahjo Nr 39 talo haina maal Jaan Pihho weski tammi wee saisuse läbi ei ole loutu - nink ka weel, et see nimetetu talo kadonu Johan Hurt laste perandus nink neide wöörmündri woimu al säärne kaibus saisap, nink Peter Oinale midagi ei puttu. 

Otsus: Peter Oina ei saa Jaan Pihho käest midagi. -

Kohtukaujile otsus ette loetu, suuremba kohtu kaumise säädus § 772, 773, 774 perra kuulutetu.

                                                   Kohtuwanemb: M. Kurwitz

                                                     Kohtumees:    Jaan Plakk  XXX

                                                          do                Karl Tobrelutz  XXX

                                                                Kirjotaja P. Black

Peter Oina kuulut, et tema selle otsusega rahu ei ole pallel suurembat kohut käwwa, mes temale ka lubatus sai. -