Wana Koiola kogokonna kohtun, Wissel, sel 10tal septembril 1879.

Man olliwa kohtuwanemb: Mihkel Kurwitz

                        kohtumees:  Jaan Plakk

                              do            Karl Tobrelutz

Johan Pikk kaibap, et tema weli Jaan Pikk ei ole tema kadonu esa perandust wälja andnu, nõwwap 400 rubl wele käest. -

Jaan Pikk ei luppa enamb, kui 50 rbl oma welele Johan massa. -

Mõistetu: Kadonu Peter Pikk warandus om 399 rbl. 60 kopkat olnu, - sest om Johan Pikk 55 rubl raha perra kätte saanu /Johan Pikk oma ütlemise päle/. -

Neli perijad elawa nimelt Jaan Pikk Johan Pikk - Mari Kais nink Liisa Kais. - Mari Käis ei nõwwa midagi. Liisa Käis ei ole kolme ajamise pääle kogokonna kohtu ette tulnu, kaotap oma perimise õigus - om ka wöörmöndre läbi üttelda lasknu, et tema midagi ei nowwa, jääp ennegi kats perijat Jaan nink Johan Pikk perra.

399 rubl 60 kopkast om Johan Pikk 55 rb l kätte saanu,

Jaan Pikk käen 344 rubl 60 kadonu esa perandusest weel täämbatsel päiwal. 

Otsus: Jaan Pikk peap oma wele Johan Pikk le, kui tema käen olewat esa poolt perandust 144 rubl 80 kop sel 23tal april 1880 aastal ära masma. -

Kohtokäujile otsus ette loetu, suuremba kohtu käumise säädus § 772, 773 n 774 perra kuulutetu. -

                                Kohtuwanemb: M Kurwitz

                                  Kohtumees:     Karl Tobrelutz  XXX  

                                         do              M. Plakso  XXX

                                      Kirj. P. Black

Jaan Pikk kuulut, et tema selle otsusega rahu ei ole pallel suurembat kohut käwwa, mes temale ka lubatus sai.

Märkus: Protokoll Abschrift den 14 September angeschickt

                 Protokolli koopia saadetud 14. septembril