Johann Pormeistre kaibas, et temma Jürri Känkseppa mannu minnewa kewwaja emmaga kui naise sullases lespnu, se om: Johann Pormeistre teenip aasta otsa ent emma nikawwa, kui kiik suwwi Töö lõppetet; selle eest mõllembide palka leppit olnu: ½ wakkalla rükka, ½ wakkalla Keswa, 2 mattalla Linna, 2 mattalla uppa, hernema eest ½ wakka hernit, 2 wakka Kartohwli mahha panda, ütte ennegi pandnu ent tõise wakka mahhapandmise wasta 6 wakka Kartohwlit, 2 koormat haino, 2 Rbl. zuwwa rahha ja pärahha; muidu kiik kätte saanu, ennegi es tahhas perremees ½ wakka hernit nink päärahha massa.

Jürri Känksep tunnist sedda leppingut, seni kui päärahha massuni, kiik tõttes.

Sai mõistetus: selle, et üts kiiges kassinamb sullane niwõrra tenima peap, et temma söönu, kattet nink pärahha masma peap, - et Jürri Känksep selle walla prugi perra, se sullase Johann Pormeistre päärahha masma peap, kes tedda aastaig läbbi teninu nink temma Emma kik suwwe Töö tennu nink se leppit palk ka ütte täwwelist sullast wasta wäikenne om.

Suuremban kohtun käimise säädus sai neile kuulutedus. 

Sel 31.01.1875 massis Jürri Känksep - Johann Pormeistre se aasta 1873/74 pärahha ärra.