Wana Koiola kogokonna kohtun, Wissel, sel 8tal oktobril 1879. 

Man olliwa kohtuwanemb: M. Kurwitz

                        kohtumees:  Jaan Plakk

                                 do          Karl Tobrelutz

An Hindrekson oma esa Jaan Hindrekson eestsaisusen kaibap, et Mari Pikk om teda ära ajanu, nink selle man ruskoga suu pääle löönu, nink wiglaga muido pesnu.

Mari Pikk oma mehe Jaan Pik eestsaisusen and wastust, et An Hindrekson om teda maru pinis nink litsis soimanu. -

Kaibaja panep tunistajas Mihkel Rös, nink Peter Kaha ke 15 aastat wana. -

Mihkel Ros and tunistust, et An Hindrekson om Mari Pikk wõtanu nink sellepääle om sis Mari Pikk An Hindrekson wiglaga touganu, ent teenistusest ei ole mitte ära ajanu, ent porutütrek perukest litsis sõimanu. 

Niisama ütles ka Peter Kaha wälja kui Mihkel Ros. 

Mari Pikk tunistas esi An Hindrekson porkes nink litsis sõimanu, selle et roiwast ahjo man paistnu.

Kohtomees Jaan Plakk kee An Hindrekson üle kaenu, ei ole määrastki pesmise märki loudnu. -

Mõistetu: Et see awalik et toine tõist wastastiku soimanu - nink ka tunistust, et pernaine tütreku wiglaga touganu.

Otsus: Mari Pikk nink An Hindrekson massap kumbgi 2 rubl trahwi 14 päiwa sisen kogokonna waeste laadike hääs, nink An Hindrekson peap teenistuste tagasi woetus saama - nink teenma minema. -

Kohtukaujile otsus ette loetu, suuremba kohtu kaumise säädus § 772 - 774 kuulutetu.

                                 Kohtuwanemb: M. Kurwitz

                                      Kohtumees: Jaan Plakk  XXX

                                      Kohtumees:  Karl Tobrelutz  XXX

                                                Kirjotaja P. Black