Peter Müllersoni asjun wasta Jaan Kerrä, tunnistap Mihkle Pusep, et temma to aastaig Peter Müllersoni man sullane olnu, kui Jaan Kerra Essa ütte katte aastalise õhwakese Peter Müllersoni poole toonu, kui ossajaggu ommale kattele Tüttrele, kumma mõllemba sääl kui kaswulaste olnu, üts ilm koolin käimatta, kes perran ärrakoolu, ent tõine, nimmega Tijo, olnu pääkoolin sis jo ärra käinu nink säält perrast mehhele saanu.

Kristo Kannel, Peter Müllersoni Onno, tunnist sõnnast sõnna nisammoti.

Anz Karru tunnist, et temma Wissela köõrtsin kuulnu, kui Jaan Kerrä wistist omma wõlla perrast Peter Müllersoniga juttustanu nink üttelnu: "Minna sulle 17 Rbl. wõlgu olle ja üts püssaraud."

Johann Will tunnist, kui temma nelli aastat taggasi Kattri päiwa laadelt Walgast kolmeskesi tulnu, ütte wankri pääl istnu, temma, Jaan Kerra nink Peter Müllerson nink kuulnu, kui Peter Müllerson - Jaan Kerraga ommast wõlla asjast kõnnelnu nink selletanu, et temma Peter Müllerson, Jaan Kerrä sõssare lehme ärra müünu 19 Rbl. eest nink jäänu se rahha Peter Müllersoni kätte, mis päle Peter Müllerson wasta Jaan Kerrä üttelnu: "Nüüd olleme ütstõisega tassa, kui me ka täämba wai hommen ärra kooleme." Peter Müllerson and weel Tunnistajit ülles, kes man olnu, kui Jaan Kerrä 100 Rbl. wõlgu saanu 5-se Prozenti päle aasta eest: Liis Lawing nink Herman Kressling Restust.

Neid 26. Aprillis kuulda kutsu.