Wanna Koijola koggokonna kohtu Wissen sel 22 okdobril 1879

Man olliwa kohtuwannemb M Kurwitz

                         kohtumees   Jaan Plak

                         kohtumees   Mihkel Plakso

Jossep Wärw kaibap Jaan Mollok pääle et Jaan Mollok temma 9 aastas poga pesnu nida et sone ihho pääl nätta. Nõwwap 25 rbl sis om rahhu.

Jaan Mollok wastutas Minna tedda pesnu ei olle temma poig olla kül minno tütre weritses kisknu minna sinna pole saje lätsi.  Läts pakku.

Kusta Sõrmus and kohtumehhe Mihkel Plakso läbbi tunnistust et pestu kül olli es näe kes pes.

Mõistetu: et sääl oiget tunnistust ei olle et Jaan Mollok sedda poisi olles pesnu

Otsus  ei sa kaibaja ommast nõudmissest middagi.

Kohtukäujele otsus ette loetu suremba kohtu sädus kulutetu § 772, 774, 775 perra.

                                 Kohtuwannemb M Kurwitz

                                    Kohtumees     Jaan Plak  XXX

                                     Kohtumees M Plakso  XXX

Jossep Warw kulut et temma selle otsusega rahhu ei olle lubbap surembat kohhut kawwa

Märkus: Protocoll Abschrift d. 27. October angesandt.