Wana Koiola kogokonna kohtun, Wissel, sel 5 nowembril 1879.

Man olliwa kohtuwanemb: M .Kurwitz

                      Kohtumees:   Jaan Plakk

                               do           Karl Tobrelutz

Kadonu Mihkel Holwandus tütre Liis Holwandus wöörmöndrele Hindrek Matt Wiiralt nink Jaan Kolt Wana Koiolast nõudwa, et kadonu Mihkel Holwandus wara - peap rahas tettu saama - nii kui kogokonna kohus om üles wõtnu - nink nõudwa ka et sis see raha kadonu Mihkel Holwandus tütre Liisole saap, selle et poeg Peep Holwandus om esast maaja peremees nink jago katte saanu. 

Peep Holwandus nõwwap, poolt sest warast mes esast perra ara jäänu.

Mõistetu: Et Peep Holwandus om kui esast erale lännu, oma wara kätte saanu, nink ka terwe maaja peremees. -

Otsus: Peep Holwandus ei ole warast mes perast esa surma perra jäänu määrastki nõudmist, jääp kiik Liis Holwandusele - maha arwatu maja kiik hoonetega mes Peep Holwandus perip. -

Kohtukaujile otsus, ette loetu, suuremba kohtu kaumise säädus § 772, 773 n 774 perra kuulutetu.

                              Kohtuwanemb: M. Kurwitz

                                 Kohtumees:    Jaan Plakk  XXX

                                       do              Karl Tobrelutz  XXX

                                        Kirj. P. Black

Peep Holwandus kuulut, et tema selle otsusega rahu ei ole pallele suurembat kohut käwwa, mes ka lubatus sai. -

Niisam kuulut ka Hindrek Mutt et tema selle otsusega rahu ei ole pallel suurembat kohut käwwa, mes ka lubatus sai. -