Sunzi Tallude N 106 ja 107 perrisnik Johann Oja kaibas ommi poolterra sullaste sõnnakuulmatta olleki perräst, mis läbbi temmal kahjuu saanu, nink omma jaggu Töösit mitman asjan teggematta jätnu ommawa; nimmelt jätnu Jacob Kribi wastapandmise läbbi töösit henda jaust teggematta, mis tõise, kui Kontrahti perrä leppitu, ärra tennu, ne omma Jacob Kribil: 

200 kuppu hakku raggumatta, sai kohtu poolt mõistet a' 1½ Kop. - 3 Rbl.

5 palki tõisist wähhamb wälja weetu a' 50 Kop                                     2  "    50 Kop.

25 paari wiljareddelit teggemtaa a 20 Cop.                                           5  "

1 sülli 1½ hallo puud raggumatta ja weddamatta                                   2  "

½ wakkala nurme weeri kündmatta                                                         1   "

5 süld laggunud aida ärrapallutanu a' 50 Cop.                                       2  "   50 Kop.

1 wak wõlg kaaru eest                                                                                 1   "   40  "

üttekokko 17Rbl. 40 Kop.

Sullane Jacob Kribi tunnist sedda kiik tõttes, ennegi salgas ärra, et temmale ei olle Tenistuse Kontraht etteleotus saanu nink arwap, seperrast üllewan nimmitet Töösit mitte henda kohhuses.

Kristja Eisleril Kontrahti perrä leppit, ent teggematta jättet Tööde eest Johann Ojale tassu: 

25 paari teggematta wilja reddelide eest a' 20 Cop. - 5 Rbl.

5 sülle ärrapallotet laggunu aija eest a' 50 Cop. -  2 Rbl. 50 Kop.

üttekokko 7 Rbl. 50 Cop.

Mihkle Koormal Kontrahti perrä leppitu, ent teggematta jättet Tööde Johann Ojale tassu: 

25 paari teggemetta wilja reddelide eest a' 20 Cop- 5 Rbl.

5 sülle ärrapallutet laggunu aija eest a' 50 Cop - 7 Rbl. 50 Cop.

Jaan Utamil Kontrahti perrä leppitu, ent teggematta jättet Tööde eest nink wõlga Johann Ojale tassu: 

25 paari teggematta wilja reddelide eest a' 20 Cop- 5 Rbl.

5 sülle ärralapputet laggunu aija ees a' 50 Cop. -       2   "    50 Kop.

1 wakkala äestamatta söödimaa eest                             1    "

1 wak wõlg kaaru eest                                                       1    "    40   "

puhhast rahha wõlgu                                                       6    "    40   "

üttekokko 16 Rbl. 30 Cop,

Sullase: Kristhan Eisler, Mihkle Koorm ja Jaan Utam tunnistiwa sedda tõttes, et nimmitet Töö neist teggemattas jäänu nink ülletähhendedu wõlg õige om.

Kui nüüd tõtte om, et üllewan nimmitet Tööd kik sullasest Jacob Kribist omma teggematta jäänu nink ka se nõuto kaara wõlg tõtte om, nisammotii tõtte om, et sullasel Jacob Kribi täwwe koggokonna kohtu een ette leotu nink kinnitedu tenistuse Kontrahti perrä tetta olli: Punkt 2. Kik töö, mis majan üssike ette tullep ja tarwis om; selle perrä haoragguminne sullaste kohhus om.

Punkt 6. kik tarwalinne ehhitamise Material mannu weddama; se perrä palgi weddaminne sullaste Kohhus om, nisammoti paljo wetta, kui tõiseki sullase omma weddanu. 

Punkt 9. Kikk tarwilise wiljaredddeli teggema; se perrä 25 paari wiljareddelii teggeminne nimmitet sullaste johhus om.

Punkt 13. Kiik puu ragguma nink koddu weddama, se perra se puuduw sülli puid rakku nink wäljawetta nimmitet sullase teggema piddiwa; se perrä nimmitet sullaste kohhus om, eggaüts omma jaggu ütte poole wakkala tetta.

Nimmitet Tenistuse Kontraht, kelle all eggaüts sullane, ni ka Jacob Kribi, omma nime mannu se Kohtu een kolm risti tõmmanu ommawa, om Johann Oja kätte antus saanu.

Kiges selle järrele sai mõistetus: et sullase Jacob Kribi, Kristjan Eisler, Mihkel Koorm nink Jaan Utam Kontrahti perrä teggematta jäänu Tööde eest se üllewan nimmitedu nink se Kohtu poolt arwatu rahha: Jacob Kribi 17,40 Cop; Kristjann Eisler 7,50 Cop. Mihkle Koorm 7,50 Cop. Jaan Utam 16,30 Cop. perremehhe Johann Ojale 14 päiwa sissen peawa ärramasma.

Kristjan Eisler, Mihkle Koorm nink Jaan Utam olliwa selle otsusega rahhule, ent Jacob Kribi es olle sellega rahhule, mis man temmale suuremban Kohtun käimise säädus teeda antus sai.