Wana Koiola kogokonna kohtun Wissel, sel 17tal nowembril 1879

Man olliwa kohtuwanemb: M. Kurwitz

                        kohtumees  M. Plakso

                            do             Otto Harmitz

Liis Pranz oma mehe Peter Pranz eensaisusen kaibap, et tema ei ole miite Jaan Kadeweer käest oma esa perandust kätte saanu, nimelt 4 lehma, 1 härg,

4 lammast 1 hobene, 3 wastast kaskat, 2 wastast särki - 40 küünart linast rõiwast 5 küünart willast undreku rõiwast, 1 suur hõbe sõlg 4 rubl - nõwwap poole sest warandusest kätte nink tõisel pool lubap sõsare Katre Treial, kee Peril elap. -

Katre Treial oma eestsaisja Johan Lohmuska nõwwap ka niisama poole omast esa warandusest kätte saada, mes Jaan Kadaweer katte jäänu, nii kui Liis Pranz ülesandnu. -

Jaan Kadaweer wastutas, et tema om naise tütre Liisole 1 lehm nink kirst kõige rõiwastega nink kats lam(m)ast uten andnu, kui tema mehele lännu. 

Kater Treial om 17 rubl raha nink üts lammas kaasa saanu, kui mehele lännu.

Liis Pranz ütles kül 1 lehm, nink 2 lammast uten saanu ollew. - 

Mõistetu: Et see awalik, et 3 lehma nink 2 lammast oma Jaan Kadaweer katte jäänu - nink 1 hobene  - kelle hinda too ajane kogokonna kohus ei ole üles andu, sis arwap nüüdne kogokonna kohus

1 hobene    20 rubl.

2 lehma      30 rbl.

1 pull           10 rbl.

2 lamast       5 rbl.

                  ----------------

                    65 rubl.

Jaan Kadaweer ütlep roiwa kiik ära andnu olla, nink üle määrastki tunist ka ei ole et tema kätte ne rõiwa oles jäänu.

Otsus: Jaan Kadaweer peap Liis Pranz´le 32 rbl 50 kopka nink Katre Treiale 32 r 50 kop katte kuu aja sisen ära masma, § 772 - 774 kuulutetu.

                                    Kohtuwanemb M Kurwitz

                                     Kohtumees     J. Plakso  XXX

                                     Kohtumees     O. Harmitz  XXX

                                               Kirj. P. Black

Ääremärkus: Jaan Kadaweer kuulut et tema selle otsusega rahu ei ole pallel suurembat kohut käwwa, mes ka lubatus sai.