Päkohtumees Mango Maritz pallel sedda kohhut, Peter Kossmanni awalikko Trotsmise perräst, temma wasta, wastutamise alla tõmmata, nimmelt, et Peter Kossmann ütte wiimast tahtmist, mis Mango Maritz üllekirjutanu, tõisitasawwalikkult wõlsis.

Sedda tunnist Peter Kossmann ka se Kohtu een tõttes, et nimmitet wiimane Tahtminne perremehhest Johann Timkast antu nink Päkohtumehhest Mango Maritzast katte se tarbis kutsutu Tunnistajide een, nimmelt Jacob Lukkering ja Johann Lanemann, ülleskirjutedu, mitte ni ei olle olnu, kui üllespantu nink nimmitas sedda Päkohtumehhe ülleskirjutamist awwalikkult wõlsis.

Kui nüüd se päkohtumehhest ülleskirjutedu, kaddonu perremehhe Johann Timpka wiimane Tahtminne se Kohtu een Tunnistajide Jacob Lukkerinigile nink Johann Lanemannile, kes sääl man olnu, se kohtu een sõnnast sõnna sai ette loetus, nink nesamma sedda tõttes tunnistiwa, 

sai mõistetus: et Peter Kossmann saap Päkohtumehhe Trotsmise eest 15 witsahoopi ehk massap kotsilt 3 Rbl. waeste Ladikude.

Kohtunik Mango Maritz XXX

     abbi    Anz Albrescht XXX

        d.     Jaan Kreewald XXX

        d.     Jaan Rosenthal XXX