Matsi Anz Treumuth kaibas sisse, et temmal kats mehhitse puud öösel wasta 23. Julil s.a. koggoniste ärra riisutus saanu olles, se om, neilt messi kiige wahhaga ärra wõetu olle, mis temma ööse ümbrehulkja poise päle arwas, kes sel ööl temma tütriku man käinu: nimmelt Samul Raudnal, Peter Ahher, Soldat Jaan Ruder ja Ott Tättar; sedda kahjo olles temma selsammasl hommukul lõudnu nink palllelnu seperräst Päkohtumeest Mango Martizat kotsilt henda poole, sedda kahju üllekaema.
Päkohtumee Mango Maritz tunnist sedda tettu kurjatekko ni tõttes.
Samul Raudnal tunnistas, et sel nimmitet öösel,kell 12 ja 1 wahhel,tulnu Soldat Jaan Ruder temma poole nink selletanu temmale, et temma praegu Matzi Anz Treumuthi poolt tullep nink Peter Ahher ka sääl om, sis lännu temma ka sinna, nõudnu tütriku kambre sisse nink ka lastu, lõudnu Peter Ahher ja Ott Tättar sääl kambren een, temma, Samul Raudnal, jäänu Ott Tättariga kambre tütriko mannu, ent Peter Ahher lännu ärra nink tulnu katte Tunni perräst jälle taggasi, küssinu Samul Raudnal temma käest: " Kos sinna se aig ollite?" üttelnu Peter Ahher: " Minna maggasi Matsi Tallo aija lakkan ütte kotti pääl!" Selle päle lännu Peter Ahher jälle pea ärra, nink tükkikeses aja perräst lännu ka Samul Raudnal koddu nink jäänu Ott Tättar neist kiges perramane Tütriku mannu.
Soldat Jaan Ruder tunnistas, et kui Tido Jaani sullane, Karl Urbanik, temma poolt hendale ütte atra arwat õddagul wiinu, selle ärraminnen, istnu temma nink Peter Ahher ka se poisi hobbese pääle nink lännu temma Jaan Ruder, Peter Ahheri kutsmise päle temmaga ütten Matsi Tallo tütriku mannu. Se pois sõitnu Matsi Tallust mööda koddu, ent nemma kattekesi lännu sisse; temma, Jaan Ruder, jäänu Tütriku kambre läwwe een wälja saisma, nink Peter Ahher lännu tütriku kambre sisse; temma ei tihhanu sisse minna, ootnu tük aigu wäljan nink lännu koddu, ilma, et temma Tütriko kambren sissen käinu om, selletannu sedda Samul Raudnaglale nink selle päle pandnu Samul Raudnaggel warrastega koet kamsoni sälga nink lännu ka Matzi tallo, nink tulnu mõllemba, Samul Raudnaggel nink Peter Ahher, üttelisi hommugult taggasi.
Peter Ahher tunnist, et temma sel õddangul, kui Karl Urbanik adra neide poolt wiinu, üttelnu Jaan Ruderile: " Tulle ütten, läme mõtsa hobbesit kaema," kumma Matsi Tallu takkan, nido pääl sööman olnu, nink sõitnu ennegi Matsi Talluni ütten, se adrapois Karl Urbanik sõutnu mööda koddo, ent nemma lännu Matsi, nemmelt temma, Peter Ahher, nännu sääl ütte poisi een, kes tütriko kambre sisse nõudnu, kui mannu saanu, nännu poisi Ott Tättarit, se päle jäänu Jaan Ruder wälja aija taade, ent temma, Peter Ahher, lännu Ott Tättariga tütriko kambre sisse, olnu sääl seni kui kikka kirgama nakkanu, sis tulnu ka Samul Raudnal sinna, wõtnu tüyriko temma käest ärra üttelden: " Kae tütriku sa ennamb ei saa!" Temma, Peter Ahher, ootnu kambren weel tükkikenne aiga, lännu pea wälja kaiwo mannu jooma, pikkitelnu üts aiga kaiwo salwe pääl, ei tahtnu Samul Raudnala ütsinda mahha jätta, heitanu se perrast Matsi Tallo sanna kõrwale ütte kotti pääle maggama, seni kui hommugu aggu tulnu, sis ajanu Samul Raudnagla ülles, lännu temma, Peter Ahher, een minnema nink Tee pääl tulnu Samul järge nink lännu koddu üttelisi.
Peter Ahher tunnist ka, et temmal sesamma ahk särk, mis temmal praegu säljan om sesamma ka tool ööl säljan om olnu, nink kohtu perrä kullemise man olli selgest nätta, et se särk meega koon olli, selle plekki pääl kärblase unnikun koon päl olliwa.
Peter Ahher wastutas selle päle, et karjuslatse wõidleib perremehhe sängi päitse pääl olnu, nink temma omma särgi päle wissanu, se perräst särk plekki saanu, mis pääle kärblese tükkise.
Kui Kohtumees Mango Maritz kottuse kahju üllekaemise perrä Peter Ahherit küssinu: " Kas sinna ollit sel nimmitet ööl kottun?" wastutannu Peter Ahher: Ja, olli kottun," ent perräst ärra awwald, et ei olnu mitte kottun.
Selle päle sai Peter Ahher mannitus, sedda mehhitse kiskmist, riismist ärra awwaltada; selle, et nemma koera nuisiga wissaten ärrapesnu nink koer hirmu perrast ei tohtnu murru päle tullaki, nink Peter Ahher, omma Tunnistuse perrä, warra õddangu sinna Tütriku kambre om lännu, mis koggoni liggi neid mehhitse puid om, kui kikka kirgama nakkanu; toost ajast saani seeni kui hommoguaoni, kik aig selle tallo morru pääl sanna kõrwal ütte kotti pääl piikitelnu nink kärblase temma särgi pääl unnikun olliwa, minkast arwata, et messi pääle puttunu om ja se kurri sel ööl sündnu om, et selle Tunnistuse päle Peter Ahher kui essi mitte neid mehhitsit riisnu, sis sellest ossawõtja om nink teedma peap, kes ne kurjateggija ommawa.
Peter Ahher salgas ärra, et temma neid mehhitsit ei essi ärra kisknu, ei ka nännu muid sedda teggewat.
Sai mõistetus: et se assi nikawwa poolele jääp, kui ka Ott Tättar om kuultus saanu, seeni ajani Peter Ahher wangi jääp, ent tõise koddu wõiwa minna.
Kohtunik Mango Maritz XXX
Wallawannemb Karl Rosenthal XXX
Matsi Anz Treumuth kaibas sisse, et temmal kats mehhitse puud öösel wasta 23. Julil s.a. koggoniste ärra riisutus saanu olles, se om, neilt messi kiige wahhaga ärra wõetu olle, mis temma ööse ümbrehulkja poise päle arwas, kes sel ööl temma tütriku man käinu: nimmelt Samul Raudnal, Peter Ahher, Soldat Jaan Ruder ja Ott Tättar; sedda kahjo olles temma selsammasl hommukul lõudnu nink palllelnu seperräst Päkohtumeest Mango Martizat kotsilt henda poole, sedda kahju üllekaema.
Päkohtumee Mango Maritz tunnist sedda tettu kurjatekko ni tõttes.
Samul Raudnal tunnistas, et sel nimmitet öösel,kell 12 ja 1 wahhel,tulnu Soldat Jaan Ruder temma poole nink selletanu temmale, et temma praegu Matzi Anz Treumuthi poolt tullep nink Peter Ahher ka sääl om, sis lännu temma ka sinna, nõudnu tütriku kambre sisse nink ka lastu, lõudnu Peter Ahher ja Ott Tättar sääl kambren een, temma, Samul Raudnal, jäänu Ott Tättariga kambre tütriko mannu, ent Peter Ahher lännu ärra nink tulnu katte Tunni perräst jälle taggasi, küssinu Samul Raudnal temma käest: " Kos sinna se aig ollite?" üttelnu Peter Ahher: " Minna maggasi Matsi Tallo aija lakkan ütte kotti pääl!" Selle päle lännu Peter Ahher jälle pea ärra, nink tükkikeses aja perräst lännu ka Samul Raudnal koddu nink jäänu Ott Tättar neist kiges perramane Tütriku mannu.
Soldat Jaan Ruder tunnistas, et kui Tido Jaani sullane, Karl Urbanik, temma poolt hendale ütte atra arwat õddagul wiinu, selle ärraminnen, istnu temma nink Peter Ahher ka se poisi hobbese pääle nink lännu temma Jaan Ruder, Peter Ahheri kutsmise päle temmaga ütten Matsi Tallo tütriku mannu. Se pois sõitnu Matsi Tallust mööda koddu, ent nemma kattekesi lännu sisse; temma, Jaan Ruder, jäänu Tütriku kambre läwwe een wälja saisma, nink Peter Ahher lännu tütriku kambre sisse; temma ei tihhanu sisse minna, ootnu tük aigu wäljan nink lännu koddu, ilma, et temma Tütriko kambren sissen käinu om, selletannu sedda Samul Raudnaglale nink selle päle pandnu Samul Raudnaggel warrastega koet kamsoni sälga nink lännu ka Matzi tallo, nink tulnu mõllemba, Samul Raudnaggel nink Peter Ahher, üttelisi hommugult taggasi.
Peter Ahher tunnist, et temma sel õddangul, kui Karl Urbanik adra neide poolt wiinu, üttelnu Jaan Ruderile: " Tulle ütten, läme mõtsa hobbesit kaema," kumma Matsi Tallu takkan, nido pääl sööman olnu, nink sõitnu ennegi Matsi Talluni ütten, se adrapois Karl Urbanik sõutnu mööda koddo, ent nemma lännu Matsi, nemmelt temma, Peter Ahher, nännu sääl ütte poisi een, kes tütriko kambre sisse nõudnu, kui mannu saanu, nännu poisi Ott Tättarit, se päle jäänu Jaan Ruder wälja aija taade, ent temma, Peter Ahher, lännu Ott Tättariga tütriko kambre sisse, olnu sääl seni kui kikka kirgama nakkanu, sis tulnu ka Samul Raudnal sinna, wõtnu tüyriko temma käest ärra üttelden: " Kae tütriku sa ennamb ei saa!" Temma, Peter Ahher, ootnu kambren weel tükkikenne aiga, lännu pea wälja kaiwo mannu jooma, pikkitelnu üts aiga kaiwo salwe pääl, ei tahtnu Samul Raudnala ütsinda mahha jätta, heitanu se perrast Matsi Tallo sanna kõrwale ütte kotti pääle maggama, seni kui hommugu aggu tulnu, sis ajanu Samul Raudnagla ülles, lännu temma, Peter Ahher, een minnema nink Tee pääl tulnu Samul järge nink lännu koddu üttelisi.
Peter Ahher tunnist ka, et temmal sesamma ahk särk, mis temmal praegu säljan om sesamma ka tool ööl säljan om olnu, nink kohtu perrä kullemise man olli selgest nätta, et se särk meega koon olli, selle plekki pääl kärblase unnikun koon päl olliwa.
Peter Ahher wastutas selle päle, et karjuslatse wõidleib perremehhe sängi päitse pääl olnu, nink temma omma särgi päle wissanu, se perräst särk plekki saanu, mis pääle kärblese tükkise.
Kui Kohtumees Mango Maritz kottuse kahju üllekaemise perrä Peter Ahherit küssinu: " Kas sinna ollit sel nimmitet ööl kottun?" wastutannu Peter Ahher: Ja, olli kottun," ent perräst ärra awwald, et ei olnu mitte kottun.
Selle päle sai Peter Ahher mannitus, sedda mehhitse kiskmist, riismist ärra awwaltada; selle, et nemma koera nuisiga wissaten ärrapesnu nink koer hirmu perrast ei tohtnu murru päle tullaki, nink Peter Ahher, omma Tunnistuse perrä, warra õddangu sinna Tütriku kambre om lännu, mis koggoni liggi neid mehhitse puid om, kui kikka kirgama nakkanu; toost ajast saani seeni kui hommoguaoni, kik aig selle tallo morru pääl sanna kõrwal ütte kotti pääl piikitelnu nink kärblase temma särgi pääl unnikun olliwa, minkast arwata, et messi pääle puttunu om ja se kurri sel ööl sündnu om, et selle Tunnistuse päle Peter Ahher kui essi mitte neid mehhitsit riisnu, sis sellest ossawõtja om nink teedma peap, kes ne kurjateggija ommawa.
Peter Ahher salgas ärra, et temma neid mehhitsit ei essi ärra kisknu, ei ka nännu muid sedda teggewat.
Sai mõistetus: et se assi nikawwa poolele jääp, kui ka Ott Tättar om kuultus saanu, seeni ajani Peter Ahher wangi jääp, ent tõise koddu wõiwa minna.
Kohtunik Mango Maritz XXX
Wallawannemb Karl Rosenthal XXX
