Karl Mikkol kaibas, et temma leiwamees Konrad Tomann, kellega temma mõisa wiina woori käinu, taggasi tullen mõisan, kui tühje hami mahha pandnu, olnu Konrad tedda wasta wäega sõbralik awwitama, nink perräst, kui temma, Karl, omma hobbest jootnu, käinu Konrad temma wankri man, kos särk, nink selle taskun 5 Rbl. 80 Cop. rahham olnu, perräst temma mannu tulnu, wäega maggusat juttu ajanu, ni et täl meelest lännu küssi, mis ta wankre man otsman käwwe; kutsnu tedda henda wankri päle, mõisast koddu sõiten, ni et Karl Mikkoli hobbene takkan tulnu, minkast temma arwap, et Konrad püüs tedda omma wankre mant sedda moodu kaugel hoita, ni et temma sedda mitte enne, kui temmast lahkunu, lõudma piddi. 

Konrad sai wangi pantus kunni Tunnistaja kuultus sawa, ent sääl päkohtumees Mango Maritz wasta sedda rahha ärralubbas massa nink wörmöndre Treisile.

Konrad üttelnu: " et Zimmi Jani rahha massa minna wasta meelt, ent Hakki Karl Mikkoli rahha tood minna tija essike, tood minna massa hämelega." 

Konradi eest Massis Anz Tomann 5,80 Kp. s. 14.03.1875.

Sel 21.03.1875 sai 5,80 Kop. Karl Mikkolile wäljamastus.