Peter Uhrbergi nõudmise asjun wasta Jaan Tiisleri, tunnist Jaan Tiisler, et temma kuus aastat taggasi Peter Uhrbergi käest 30 Rbl. puhhast rahha om wõlgu saanu, rendi massa, se eest rõiwit tunnistuses ja pandis sisse pansnud, neist ossast rõiwit wälja wõtnu nink 10 Rbl. ärramassnu nink arwap muu perräjäänu rõiwastega setassa saanu ollew. Jaan Tiisleril es olle se ülle Tunnistajit üllesanda.

Peter Uhrberg tunnist, et selle 30 Rbl. päle om temma kätte saanu:

Puhta rahhaga 10 Rbl.

Rõiwastega      13½  "

minkast Jaan Tiisler temmale 6½ Rb. wõlgu jäi,

päle selle puhhast rahha andnu 2 Rbl.

2 punda heeringit                        2½ "

3 wakka Keswi a' 2 Rbl.                 6   "

Üttekokko 17 Rbl., mis Jaan Tiisler weel wõlgu om. 

Jaan Tiisler salgas sedda kiik ärra.

Peter Uhrberg and keswawõtmise perräst Tunnistajas ülles: Mihkle Brunn Widrike mõisast.

Sai mõistetus: Peter Uhrberg, Jaan Tiisler nink Mihkle Brunn 16. Augustis sija tallitada.