Jaak Kinna nõudmise asjan wasta Johann Lüüsi, selletas Johann Lüüs, et temma sel kewwajal 1872 Urwaste Hansi karjamõisa Rentnikko Mihkel Kärseni käest se nimmitet kottuse kontrahti hendale 300 Rbl. eest ärra ostnu, selle päle Urwaste mõisawallitsuse käest lubba nink selle Kontrahti kinnitamise ütsinda henda nimme päle saanu, nink selsammal kewwajal Jaak Kinnale pool sest karjamõisast wälja rentnu 250 Rbl. eest aastal; Jaak Kinna olles temma man poolrentnik 2 aastat olnu, selle perrä katte aasta renti temmal massa olnu 500 Rbl. ent selle päle temma kätte saanu: 

Eddimatsel rendi aastal 197 Rbl.

tõisel rendiaastal            191   "

perräst weel                      16   "

üttekokko 404 Rbl; mahha 404 Rbl. 500 Rublist, jääp perrä 96 Rbl.,mis Johann Lüüs weel Jaak Kinna käset nõwwap.

Jaak Kinna selletas, et temmal Johann Lüüsiga olles poole karjamõisa rent aastal 200 Rbl. leppitu.

Sai mõistetus: et Johann Lüüs nink Jaak Kinna, kumbgi omma Kontrahti sija kohtu ette tooma peawa sel 16. Augustil, nink Tunnistajit üllesandma. Selle päle andis Jaak Kinna Tunnistajas ülles: sullase Jaan Kleemann Kergulast.