Selsammal paiwal 27 mail 1887

N 280  Tunnistaja Jaan Torrob utles et temma essi ei ka muid Liis Kattai man nannu ei olle. -

Tunnistaja Johan Rammo ütles ka nisamma. -

Tunnistaja Josep Sussi ei olle täämba ette /tulnu/ ent kohto mehe Kottisse läbbi üttelda lasknu et ta mitte sest ei tija.

Moistetud: Et Peter Kurwitzast ülles antu tunnistaja kik ärä sallanud ja sest midake ei ütle teedwat ütsinda Jaan Ram(m)o wannast kül sanu utles ollewat. 

Otsus  Sis nätta et Peter selle latse essa om massap Peter Kurwitz 100 rubl Liis Kattai latse kaswatamisse abbis ja nimmelt egga aasta 10 rubla jarrestiku aastal arwatu ja algap 24 junil mas päle nink Jaan Rammo kes ka essi wäla üttelnu et wannast kül Liis Kattaiaga liiderliko ello ellanud massap 6 rubla waeste laega trahwi. -

Kohto kaujile otsus § 773 ia 774 pera kuulutetu ent Jaan Rammo weel otsust kuulma kutsu. -

Ääremärkus: erra kiri sel 30 mail