Peter Ilwes and selle kohtu een ülles et mennewa Janipäiwa temma sannast olli 3 meste ammet ja 2 naiste rahwa pallapõll warrastedu, ja olli läbbi pikkalese nõudmisse kulda sanu et Ado Raudnalal pease wõeraast rõiwast ollema. Selle päle olli Petre naine Mai Ilwes koht. Jaan Rosenthal Ado Raudnale poole lännu nink lõudnu ommi ammit 2 Ado käen, ja 3 tad ei olle lõudnu.

Mink päle Ado Raudnal piddi tõttes teggema kost temma ne amme om sanu, ja tunnist et ne temma omma omma ollese, ja tõi ka ütte tükki wanna rõiwast selle kohtu ette, kos awwalikkult nätta om et se rõiwas noide Petre ammetega ja weel ollewa rõiwaga kokku sünnib, ja om selle rättil üttel otsal wanna pallistus ja tõisel otsal wastne, kost (lõudaja) nätta om et se kolmas amme ärra lahhutu om.

Otsus Nida kui nätta om et to rätt mes Ado Raudnal ette tõi tollel Petre amme rõiwaga kokku sünnib, sai mõistetus et Ado Raudnal ne 2 puduluse pallapõlte eest 1 R. hõb. ja 1 amme eest 30 kop. peat masma. ja näddali perrast peat ärra massetu ollema, nink selle wargusse eest peat temma 20 witsa löki trahwi kandma.

Koggokonna Kohtu mõistminne Kihhelkonna Kohtult kinniteda ja 30 witsa lögi trahwi pantu.