Mõisawallitsus kaiwas selle kohtu een, et Lambameistrepois Werdi Akkerman 6 Aerga, Kea Müürseppi man Sawwi sõkman ollnu, nink Kõrralinne, neid öses ütte ütte tühja lamba lauta kinni pandnu, säält lasknu wälja ajada; 3 tükki om Rehhepapp Mõisa rüaorrase päält kätte sanu, ent 3 om koggonu tõise päiwa õddanguni kaotsin ollnu, nink kige holelisse perraotsmisse läbbi mitte ülleslõijetu, enne kui tõisen päiwan õddangult wasta Kaose Andruse Johann Mõisate teadmist tonu et temma neid Aergi omma wiljast kinni wõttnu, mis Mõisast rohkest 5 wersta kawwen om.

Kui Karjad kätte sanu om Wallitseja Mürseppil käsknuu ütte tühja küni Lamba lauda man puhtas tetta, et Aerjat ösest sisse panna, ent olli Werdi neid mant ärraajanu ja üttelnu, et temma mitte ei lubba Aergi sinna küni panda, nink pääle sedda Wallitseja essi mannu lännu nink se küüni selle tarbis lasknu Oelle põhhust puhtas tetta ja kõrrapoisi lambapois henda mannu kutsu, nisugutsest ülleannetust wastapa mannitsust arwo andma, ent om Kõrrapois Wallitsejale wastust tonu et Werdi üttelnu: temmal essi omma perremees olles.

Selle päle pallel Wallitseja Werdid kohtu karristusse alla wõtta nink temmale päle panna 1 R. hõb. mis Kaose Andrese Johann omma Kahjo eest nõwwab sellele ärra massa, sest kui pea es olles se wõimalik ollnu, et nisuggutse häbbematta kangekaelusse läbbi keik neid 6 Aerga olles wõinud öakaöö hukka sadda, kedda Lambapois sugguki es olle joudnuu wastuda. 

Willem Akkermann et temma om käsknu neid Aergi lambalaudast wälja aija.

Otsus: Werdi Akkermannile sai selle häbbematta wasta pandmisse eest 30 witsa löki trahwi mõistetus ja 1 R. hõb. peat temma neide Argi pandmisse eest Kaose Ander Johannile masma.