Selsammal paiwal 15 julil 1887

Mõtsa Herra kaibap oma Akt N 441 sel 11 junil et moisa ma kantniku ome ellajidega ülle keelu kronu motsa alla käünu ja nimmelt

Jaan Mollok      4 lehma

Josep Warn     3   -

Jürri Ermel       2   -

Jaan Saadus     2   -

Johan Lohmus  2   -

Andres Luus      2   -

Peter Jaaska     2   -

Ja nõuwab Liwlandi Tallorahwa saadusse § 1065 perra egga ellaja eest 2 rubla trahwi ni kui

                         Jaan Molloka käest 8 rubla.

                         Josep Warn  -         6   "

                         Jurri Ermeli  -         4   "

                         Peter Jaaska   -      4   "

                         Jaan Saadus  -        4  "

                         Johan Lohmus       4  "

                         Andres Lüüs -         4   "

Selle man tunnistaja motsa waht Jaak Ewert.

Kik need kaiwatawa een olnu ilma Johan Lohmusseta ja anniwa wastus et nemmad kül kronu mõtsa alla käünud  konna neil ka selle tarwis pilletid omma mes  sel aastal kül ildam wälja woetud ent Johan Lohmus nink Jaan Mollokal mitte pilletid ei olle ent keeletud kronu raentika ehk kulwitud mõtsa päle ei olle meije karja mitte saanud. - Kui ehk om(m)a käudut om ehk muido ellaja linnu motsa waht Jaan Ewert toentas  et kiiki neide kaiwatawite ellaja ni kui ülles antud külwetud raentikun olliwa ent joht mitte kinni pantitud. -

Moisteud: Et neil kaiwatawil ni kui Josep Warn Jurri Ermel Peter Jaaska, Jaan Saadus Andre Lüüs lubba pilletid oma kronu mõtsa alla käwwa ja neide ellajit mitte mõtsa wahist keeltu raentikust kinni ei olle pantidu ei ka kahjo ülle lastud kaeda jäwat nõuwetust trahwist prii.

Ent Jaan Mollok nink Johan Lohmus kellel mitte selle tarwis pilletid ei olle massawat se nouwetud trahwi ärä.

Otsus: Jääwat toise kaiwatawa nouwetust trahwist prii ent Jaan Mollok massap 4 lehma nouwetud trahw 8 rubla nink Johan Lohmus 2 lehma 4 rubla 14 päiwa sissen selle kogokona kohtu katte motsa Herrale ärä saadmisses sisse nink ei woi ennam ka eddesi oma karja enne kronu motsa alla laske kui selle tarwis pilletid oma murretetu. 

Otsus Kohto kaujile kuulutetu § 773 ia 774 perra ent Johan Lohmus kes täämba siis ei olle sis 24 julis otsust kuulma kutsu.

Ääremärkus: erra kiri sel 17 juli mõtsa Herrale.