Johann Habitz and selle kohtu een ülles et Karli Haggi temma käest antud 3 R. hõb. tahhab ärrasallata, se ollew mõnni päiw enne Jürripäiwa ollnu kui Johann Hablitz om Karli Haggi käest küssinu " kas sinnul hõbberubli tükke om, nink päle Karli ollew üttelnu minnul om kül mõnni kümme tükki, sellepäle ollew Johann, Karli kätte kats 3 R. pabberi andnu, sellepäle ollew Karli üttelnu kui sinna pühhapäiwa Kerriku lähhet sis tulle minno manno ja minna anna sinnule kätte, sis ollew Johann Hablitz sellepäle üttelnu mis minna perralähha, kui sinna pühhapäiwa ajama tullet sis too sinna se antu 6 R. pabberirahha eest minule 6 R. hõb. kätte. 

Tool perran ollewad pühhapäwan ei olle mitte Karli kui küllakubjas ennege temma welli Peter teorahwast Eespäiwas mõisate ajama ollnu.

Karl Haggi tunnist, et temma ennege om Johann Hablitse käest 3 R. hõb-pabberi rahha wasta wõttnu, nink ka ne 3 R. jälle Johanile kätte andnu.

Otsus: Kui nüüd üttelgipoolt tunnistust ei olle, sai mõistetus et Karl Haggi ne 3 R. hõb. peat Johanile tämba näddali perrast peat masma.