Wana Koiola kohto maian sel 12 august 1887

Man olli kohto wannemb Johan Pihho

               kohto mees        Peter Jaaska

                    "     mees        Peter Rautsep

                    "     mees        Johan Kottisse

Johan Wanna tulli ette ja kaibap et Jaan Karolas nimme temmal 11 kuhhiliko rükki lakka pillnu ja ärä lahknu ja soonud mes selle nimelt tetta et Jaan Karolaas hobbese õdango utsinda nurme wiinud ja essi koddo maggama länu nõuwa kahjo tassomist 20 rubla. -

Jaan ütles kurja töö kül õige ollewat et Wanna 11 kuhja rükki lakka olli pillnu ent siski ni suur kahjo ommete ütte ööga üts hobbene tetta es woi tetta. -

Johan Wanna ütles et Karolas ka weel sel samal  tõisel päiwal kui ma 11 kuhja ärä parranti ja korda säätse jällege tõisel ööl kolm kuhja ärä olli lasknu lahku. 

Kohto mees Johan Kottisse ütles Wanna kaibuse mõllembil kõrral õige ollewat ja arwab söömisse kahjo kül weidi ent muido mahha sorrutu ja röät ara wassitud arwab kahjo 5 rubla kige tooga. -

Moistetud: Sis ka nätta et Johan Karolas nimme ehk suurest julgusest seda tennu om et ta weel tõisel ööl ka nisamma kui eddimatsel öölke tetta lasknud.

Otsus Masap Jaan Karolas kohto mehe takserimisse hinna 5 rubla Johan Wannale kahjo tassomist 14 paiwa sissen.

Otsus § 773 ia 774 perra kuulutetu.