Selsammal paiwal 30 septber 1887

N 584.  Hels Silak tunnistaja Partsist ütlep minna ei olle Samuel Härms mitte nän(n)u Lena Holwandusse man käunu enge tüttrek kõnnel essi minnole et Härms tem(m)a man om käunu, minno  olle kül nän(n)u et Peter Kopli Kusta Warres ja ka paljo muid kes Lena Holwandusse man om(m)a magganu.

Johan Puur and tunnistust et minna kül Peter Kopliga ütten selle tütreku man käusi, ja Peter Kopli Lena Holwandusse man maggas ka ka min(n)o arwamisse perra tõine tõisega lihhalikku tööd teggiwa, mis minna kül pim(m)edusse perrast palja silmaga nätta es woi, se olli min(n)ewa ajastaja kes en(n)e ehk perrast Jani päiwa. 

Jaan Tobrelutz tulli ette ja and tun(n)istust, minna ei tija sittagi, minnewa ajastaja käwwe minna Peter Kopliga ütskõrd kül selle tütreku man ja tullime ka warsti jalle ärra.

Joosep Waarend and tunnistust et Gusta Warres ja Peter Kopli mitto kõrd Lena Holwandusse man tem(m)a maggamissen om(m)a olnu, muido kokko ellamist minna nännu ei olle.

Peter Kopli ette kutsutu ja küssitu kas tem(m)a selle nim(m)edetu tütreguga kokko om ellanu, kos tem(m)a sest middagi ei ütle teedwat seost ajastast taggasi Jani päiwal käisi minna Johan Puuriga perrakord selle tütrego man, ja muud ei tija minna middagi.

Kusta Warres and tunnistust minna olle kül selle tütregu man käunu ja ka tem(m)a man magganu, ent latse teggemissest olle minna pri ei tija ka kes tem(m)ale se latse om tennu. Ütskõrd olli ka minnoga Berholt Reintsal ütten kos ka meije warsti ärra tullime.

Lena Holwandus om(m)a ees saisjaga Peter Sau man ütles et minno man kül mitto poissi om magganu et keagi ei olle muid minnole latsse tennu kui Samuel Härms sest minna lassi neid tõisi selle perrast henda manno maggama et kiik mu tütreguka sedda teggewa. 

Härms om minno kõrd kiusanu ja and minnole weel kurja nõuwo, et minna piddi rohto sisse jooma, et sis last ei sa.

Härms tän(n)asel päiwal mitte ette tulnu.

Otsus  Härms ses 7 octobris ette tallita ja ka Lena Holwandus.