Wana Koiola kohto majan sel 28 oktober 1887

Man olli kohto wannemb eest  Johan Kottisse

               kohto mees                   Peter Rautsep

                "         mees                   Peter Jaaska

Ette tulli kadonu Mihkel Singa laste wöörmunder Peter Sing ja kaibap et Jacob Pallo kes neide waeste laste maja pidajas nink warra wallitsejas olle pantnu nüüd selle maja ilma minno lubbata wälja om rentnu ja ka se warra mes temma kätte nida kui Prottokolin sel 25 julil N 155 aastal 1877 antud ka ärä hawitet ni et Jacob Pallo nüüd essi moona mehen om  nõuwa et se warra mes Jacob Pallo kätte antud allele peab saama hoijetetu ja ka maja kõrran hoijetus.

Jakob Pallo antse selle päle wastust et temma kätte sest warrast ennamb ei olle jäänud kui kaddonut Mihkel Sing poja Samuli jaggo mes oppetaja nink kogokona kohtu poolt jo errale om kirjotetu ja ka ärä jaetud mes kogokona kohto prottokollin sel 20 weebr 1878 N 44 ni et seda warra enne 38 rubla 35 kop minno kätte om sanu.

Juhatetu prottokol järgi kaetud ja ka ni õige leitud ollewat kui Pallo selletust antnu nisama utles ka rõine woormunder Jaan Lutsar seda õige ollewat ja ütles ka Pallo et kui temma se maja wasta wõtse maja olleman ka es olle mes ma essi oma jõuwoga olle tennu ja ka se maja wöörmündrete lubbaga nüüd renti päle anda kos ma jo kewwaja jallege taggasi tulle. -

Wöörmunder Sing utles et temma mitte Jacob Pallole lubba ei olle antu wälja renti. Toine wöörmünder Johan Lutsar utles et temma kül ütte aasta päle lubba antnu et ta omma wõlla järgi saap.

Peter Sing pallep et maja mes Jacob Pallo kitnu ehhitawat ülles saas kaetus mes minno tunda ennamb laotet kui parrant.

Pallo utles et se maja temma wooli alla wöörmundrite nink koggokona kohto poolt ni kauges antud kui perria täüsealisses saap. -

Moistetud: Et Jacob Pallo kes kaddonu Mihkel Singa lasja wotse nink temma perra jänu poja kes alles 1 1/2 kuud wanna olli seni toidnu ja temma wöörmundrete lubbaga seni maja perremehhes lubbatud kui perria eallisses sanu ent maja kogokona kohto lubbaga enne rentile sanu antus et Jacob Pallo wollat mes ta selle maja ehhitusse nink maja emmale mona antmisse perrast wallale wõlgo jänu kätte saada.

Otsus: Massap Jacob Pallo se waese latse Samuel Singa warrandusse ossa jaggo mes temma käen om 24 rubla 84 koppekat kogokona kohto kätte sisse nink peab essi tullewa Jürri päiwa selle majase taggasi tullema ja ei tohhi ennamb seda muile eddesi renti mes temma maja woormundre mitte ei lubba täüda 

Pallo seda mitte sattup se maja wöörmündrete oma wallitsusse katte. - 

Ent maja mes laggonu woormundrete kaibusse päle peab Jacob Pallo kui ülle kaetud kõrda laskma sääda.

Kohto käüjile otsus § 773 ia 774 perra kuulutetu.