Rein Reiljan kaibas: "Kui minno poig Hannuse kolimaja manno palke wees, sis ollewat Karl Mürk minno poja wastse kirwe ärra wõtnu. Minno kirwes olli 2 rubla wäärt. Kirwe kuwwas olli wastne."

Tunnistaja Jaan Kõndus (Kreeka usko) andse nidate tunnistust: "Karl Mürk wõtse ütte wastse kuudaga kirwe maast ülles, nink sis ütles Johann Jõggi Karl Mürkile, et se selle kirwe mahha wiskas, ent Karl Mürk pandse se kirwe omma ree päle ja sõitse sellega ärra."

Tunnistaja Isak Lazarus (Lutteri usko) andse nidate: "Kui Karl Mürk ütte kirwe maast üles wõtse sis ütles Johann Jõggi sellele, et temma se mahha wiskas, middas minna agga mitte es näe teggewat."

Tunnistaja Johann Jõggi (Lutteri usko) andse nidate tunnistust: "Minnole Karl Mürk mitte wõerast kirwest ei olle pakkunu ja ei olle minna ka mitte nännu et Karl Mürkil mõnni wõeras kirwes olles olnu ja sedda üttelnu, et temma kirwest mahha wiskas, ei olle minna ka."

Kaibadaw Karl Mürk, päkolin käumata, kostis nida: "Minna ei olle üttegi wõerast kirwest warrastanu, ei ka et minno käen wõerast kirwest sel kõrral olles olnu."

Otsus.

2 Tunnistaja wälja ütlemisse perra om mõistetu: Karl Mürk peab selle kirwe eest 1 rubla Rein Reiljani hääs ja 1 rubla trahwi 8 päiwa aja sissen masma nink Johann Jõggi massab wõlstunnistusse andmisse perrast 1 rubla trahwi. 

Suremba kohton käumisse sädus om neile kohton käujatele ette loetus sanu. 

Pääkohtomees Märt Lüüs XXX

Kohtomees Jaan Treumuth XXX

  "  Werdi Leinus XXX

  "  Andrus Püwwi XXX