Selsammal paiwal 12novembril 

Johan Kütt kaibap et Johan Kranzmann augusti kuul üttel puhhapaiwatsel paiwal hulga rahwa ja hobbestega ülle minno ristikhaina nurme länu kos ma neid keeldma lätsi kos mul ka weel Jacob Sõrg nink Peter Kriwason utten olli kes Johan Kranzimann ommi seltsiliste minno pessa ähwartiwa. - nõuwa egga hobbese päält kellega ülle minno ristikhaina käüdi ülle 5 hobbese 5 rubla ja muido puhhapaiwa rikmisse eest säädusse perralist trahwi. - nink oma kolme korra kohto een kaumisse eest egga päiwa eest uts rubla konna Kranzman mitte ette ei olle tulnu. -

Johan Kranzmann wastutas et temma mitte Johan Kütti poldo ei olle soknu ei ka temma püha päiwa riknu olle kül puha paiwa linna kaknu ent mitte tulli tennu. - nink olle oma linnale perris teed mööda manno länu kost Kutt essi mulle tee näütas ei olle ka teda ahwardanu. - 

Tunnistaja prottokoll : N 564 een olnu.

Moistetud: Et tunnistaja Peter Kriwason ja Jakob Sorg tunnistawa et Kranzmani ülle riistikhaina nurme kanu ja essi jo 3 rublaga leppimist pallelnud ja se selge om et se töö teggeminne puhapaiwatsel päiwal om olnu.

Otsus  Massap Johan Kranzman 3 rubla Johan Küttile ristikhaina sokmisse eest nink 3 rubla pühapäiwa tö teggemisse eest kottusse kerriko laega  14 päiwa sissen wälja . -

Otsus § 773 ia 774 perra kuulutet.

Johan Kranzman ei olle rahhu.

Ääremärkus: erra kiri 18 novbr