Tullu kohtu ette mõtsawaht, Jaan Simmessohn ja kaibas, et Kallaste mona mehhe om mõisa raentiku pool ollu ja mõtsawaht om elläjä kinni aijanu nink mona mehhe, om omma haku Müjä, ärra Müijase kottu aijanu;

Se päle om kohhus mõistnu, et eggä üts mona mees kel karri, om raentniku pääl ollu, peäb 1 R. 50 Kopikut trahwi masma nink seddä rahha peäwa nemma kattessa päiwa perrässt ärra masma.

Se mõistmisse pääle, om se aig tärminnist mööta lännü nink saije neid kohtu ette tallidetus, ent sijn ütliwa, ne kattessa mona meest, et nemma suggugi ei massa. Se päle om Saksa mõtsawaht Protokolli wällä wõtnu ja tahhab, surembate kohtute kaibata.