Tulli kohtu ette Petu Retsnik ja kaipab, et Johhan Huik om temmäle, 1. obbese nahk wõlku; se obbene om kolme asta eest, Johhani pois Luika weske järwe ärrä ubbudanu; sis saije Koggukonna kohtu man mõistedus et se obbene sai 25 arwatus, kaitskümment wijs rubla massab, ent se Rahha sai pooles mõistedus 12½ rubla, ent nahhas ei kõnnele, ei Johhan Huik, ei ka se pois Jaak Reidolf mittägi; nink nüüd sel astal, saije se poig Jaak Reidolf nekrudis andus, sis kaiwas pois, et temma om nahhast ilma jänu, sis saije ütteltus, et se assi om üts kõrd selletedu, sis jäije ka Jaak Reidolf rahhu ent nüüd om se Jaaku Essä Pedu Reidolf nakkanu sijn kohtu een kaibama, 

Selle kaibusse ülle om kohhus mõistnu, Pedu Reidolfile, et Johhan Huik  peäb masma, pool nahka 1½ rubla selle perräst, et kumpekki ei olle nahhast kõnnelnu, ent selle mõistmisseka ei olle Pedu rahhu ja tahhab surembate kohtude kaibada.