Tulli kohtu ette Willem Torman ja kaipab, et Jaan Lihho ja Mihkel Lesik om teddä ja temmö naist pesnu; 

Saije ka ette kutsutus tunnisdusmees, Adu Nõggel, se tunnisdap, et nemmä im, Willemi pesnu, ent naise pesmist ei olle temmö nännu.

Se päle saije ette kutssutus; Jaan Lihhu, se ütlep et Hain Rosenfeld, om ostnu, katte koppiku eest saija se om ollu tores; sis om Jaan Lihhu üttelnu, et kule, wanna, pekri, mes perräst , ni saija sul tore om; Willem om üttelnu; kas sinna minnu obbeja ollet; ja om nakkunu teddä sõimami, ja omm temmä kala räddist kinni wõtnu, ja lönu mittu kõrt, sis om Mihkel üttelnu

Se päle kutssuti tõnne tunnisdusmees ette Hain Rosenfeld; se tunnisdusmees ütlep, et temma, om nänu, kui nemmä om rüsselnu, ent lömist ei olle temmä nännu.

Se päle omkohhus mõistnu, et Jaan Lihhu, massab 5 Rubla ja Mihkel Lesik 3 Rubla trahwi; nink seddä rahha peäwä nimmä kattessa päiwä perrast ärrä masma;