Wanna Koiola koggokonna kohtun, Wissel, sel 21mal mail 1869.

Wõrro Krono metsaherra kaibusse päle sest 22mal april N 129 s.a Mijaste perremeeste päle, mõtsa raggomisse perrast, kon tarahwi nõwwetas 7 rbl 17 kopkat, sai käsk antud et ne perremehhe - nimmelt Peter Haidak ja Johhan Sing, Johan Pikk nink Peter Sing peawa se nõwwetu trahwi ärra masma.

Peter Haidak, kel sest raggomissest 1/4 jag lubbas ilma kohtuda sedda ära massa, et ka temma üttel seda hendale maamõõtja herra poolt lubbadu ollew, ka neide niudo piri selgest wälja ajanu, mes neide jaggo olli haina ma päle kassunu, et haina maa olli kokko kassunu ja haina kuiwada kongi rumi es olle. Se trahw mes Peter Haidak lubbas ärra massa neljas jaggo teggi kohtun käumisse temmal ennamb päiwi ärra wiitwa, kui se assi wäärt.

Ent ne toise kolm perremeest, nimmelt Peter Sing, Johan Pikk nink Johhan Sing, anniwa wastust, mes ju omma niudu weert, mes kokko olli kassunu, puhhastada laske, sest haust, ehk ka essi kui temma lähemban olles olnu, seperrast anniwa temma Kähri mehhe Johhan Lepwaltz kätte puhhastada ärra, ja se mas 4 rbl se hoiu eest, mes eest meije essi lähketsest Moisekatzi mõtsast assemele ostsime. Sedda luppa saijeme meije maamõõtja herra Elpi käest, ke meje niudo piri wälja aije ja sihhi ette raggi krono metsa wahhele, ja üttel, se omma maa wõit ärra puhhastada, et se om teije omma. Sedda kuliwa ka kats walla wöörmöndret nim(m)elt Peter Haidak nink Josep Kurwitz. Kui meil lubbamissega omma haina maad ei olle lubba puhhastada, sis kassuse meije niudo wimate koggoni kokko. -

Peter Haidak wöörmöndre and tunnistust et sedda lubbamist om kül maa mõõtja herra Elp üttelnu; nisamma üttel ka wöörmöndre Kurwitz et Elpi herra om üttelnu et se om teije omma. -

Mõistetu: Et mamõõtja herra neide niudo ja Krono mõtsawahhele slge piri om wälja ajanu, ja kuppitsi pandnu, ja üttelnu, et se om teije ma. Ja et se niudo jaggo mitte üts mõtsa maa jaggo es olle, sis wõisewa ka nem(m)a om niuto, kumb kokko olli kassunu puhhastada laske.

Ja jäiwa ne kolm perremeest: Johan Pikk, Johan Sing, nink Peter Sing, sest trahwist prii, ent Peter Haidak om ärra masnu 1 rbl 76 kopkat.

                                Koggokonna kohtowannemb: J. Pihho

                                Koggokonn kohtomees    Peep Tobrelutz  XXX

                                Koggokonna kohtomees Tomas Häm(m)alanne  XXX

                                Koggokonna kirjot. P. Black