Wanna Koiola koggokonna kohtun, Wissel, sel 14mal julil 1869.

Jaan Russ kaibap omma endise perremehhe Mihkel Lutzar päle, et temma tedda enneaiga tenistussest pri tennu, tolle eest süüd pandnu, et ta ollewat moistnu, mest ta om(m)ete opnu olli, Mihkel Lutzari kiwwi õijendada; ent neide leppingon om olnu et ta ka põllu tööd piddi teggema, misperrast ta weski mant piddi küttust saadma ärra minneki perra sedda, kui ta mõtsa ärra lännu om takkan weski ärra laggonu - tolle süü eest om tedda perremees tenistussest ärra ajanu.

Mihkel Lutzar wastutas selle kaibusse päle et Jaan Rus om jobba enne lasknu kiwwi riista hukka minna, ja kiwwi kalast wallale joosta. Sellepäle pand Mihkel Lutzar tunnistajas 

1. Tisler Sander and tunnistust, et Jaan Russ om temmale Timmo perra lännu ja üttelnu, tulle mulle appi, kiwwi om koggoni hukkan; kui ta sinna lännu ja weski ülles wõtnu - löudnu, et kiwwipool om kõwwerusi kinni lastu, ja seläbbi polle/kiwwi pole wõl mes otsan kiwwi josep, kiwwe vas painutanu.

II. Kaibap Mihkel Lutzar et Jaan Russ om tem(m)a leiba münu, kui ta kerrikohe essi kottost arra lännu.

Selle päle pand ta tunnistajas Johhan Soe, ke tunnistust and - kui Jaan Russ om Lutzari man olnu sis om ta leiba ärra münu, mes perremees wälja andnu, ja ne omma seperrast ilma lõunata jänu. Selle leiwamümisse perrast annap Jaan Russ wastust, et üts wäike lats tul ikken minno manno, kelle temma se palwe päle

1 nael leiba om münu, nink rahha õddangu winarahhaga ütten Mihkel Lutzari käte andnu, ent täl om unnetanu ärra üttelda, et se leiwa rahha ka sääl ütten olli. - mis ülle nüüd Lutzar kaibap. Jaan Russ om tenistussen 2 näddalit 2 päiwa olnu. -

Neide leppingo perra, mes tähhe päält nätta om Jaan Russi palk 40 rbl rahha zuwwa ja 1 paar sapit olnu. 

Jaan Rus nõwwap omma leppitud aasta palka Mihkel Lutzari käest.

Mõistetu: Selleperrast, et tunnistusse perra Jaan Rus ei olle mõistnu kiwwi jonen hoita ja ka omma lubbaga leiba münu, mes awwalikko süüd § 386 wasta, seperrast ei sa Jaan Rus muud Mihkel Lutzari kaest kui üllewel nimmetetu aja eest palk mes ta teninu - 1 rbl 67 kopkat, nink Mihkel ei wõi ka sis ennamb käe rahha taggasi nõuda.

                                  Koggokonna kohtowannemb: J Pihho

                                            do             kohtomees    Peep Tobree  XXX

                                             do                  do             Tomas Häm(m)alänne  XXX

                                               Kirjotaja P. Black