Wanna Koiola koggokonna kohtun, Wissel, sel 14mal julil 1869.

Kaibsiwa Kioma mehhe Karl Hausi nink Rein Peedmann et Karel Lokk neide karjusit, kea latse ea sissen, pesnu, ni et werd olli nätta, mes ka Wanna Koiola wöörmönd J. Kurwitz ülle kaije.

Rein Peedmann nõwwap omma karjusse Anne Möldrega 25 rbl. Karl Hansi nõwwap om(m)a tütre Lisoga 10 rbl.

Wanna Koiola karjus Karl Lokk and wastust minna ei olle mitte neid latsi pesnu, sedda wahhemb weel nännu, ei tija sest asjast kige wähhembat. 

Wöörmonder J Kurwitz, ke neid latsi ülle kaenu and tunnistust et Ann Möldre om kül pusest werrewas pestu olnu; ent toist Liis Peedmanni es kae nimme, selle et ta essi es ütle hennel märke küllen ollew.

Karl Hausi pand tunnistajas Mihkel Haidagu, ke sel kõrral sääl töön olnu.

Mihkel Haidak and tunnistust, et pesmist minna es näe, ent sedda ma kül kuli, kui latse tõisel pool wõssa iksiwa ja penni hauksiwa, ei tija ka üttelda, kas Mammaste karri sääl olli wai muil. Ent kui tükki aja perrast om Karel Lokk karjaga temma manno tulno om ta üttelnu, mis perrast sa pesset neid Molloka karjussit, se päle om Karel Lok üttelnu, egga neile põlgunu es olle, egga kõrd om(m)a nemma meije ma pääl, minna kaüge neid karja sitta unnikit möda omma külla karjaga.

Karel Lok wastutas Mihkel Haidak tunnistusse wasta: sinna maggasit kui ma karjaga sinno manno latsi, kui mulle ütlit mes sinna pessit, sis wastuti minna sinnole, egga minna es pessa, egga neile ka põlgunu es olle meije maal allati omma.

Tunnistajas weel manno wõetu kea sel kõrral karjan olnu: 

Katri Pihho and tunnistust, Karl Lok kawwe ütte ellajat otsman mes karja mant olli ärra kaddonu, ennamb minna ei tija - minna olli ka pälegi mitto paiwa karjan, ei tija üttelda kas se temma ellaotsminne olli tol päiwal, kui ne Kioma Molloka karjusse pestus sanu - märastki pesmisse hölli es olle noil paiwil kuulda, kui ma karjan olli ei tija ka sest middagi tunnistada. 

Mõistetu: Et uttegi selget tunnistust ei olle, et Karel Lokk latsi om pesnu, sedda woise ka mõnni muid innemisi tetta, kui na mõne maa pääl karjaga olliwa ja Karel Lokk märstki tunnistust essi andnu ei olle jääp temma sest trahwi masmissest priis. -

                           Koggokonna kohtuwannemb: J Pihho

                                   do              kohtomees      Peep Tobree  XXX

                                   do                      do              Tomas Häm(m)alanne

                                     Kog. kirjotaja P Black.