Wanna Koiola koggokonna kohtun, Wissel, sel 28mal julil 1869

Mihkel Kattai kaibap, et temma om kaubelnu Jaan Oina käest hobbese kolmanda jao aja päle, ja masnu süggiseni 6 rblat, /5 rbl kauba teggemisse aiga ärra masnu ja üts rbl süggise hobbese käest andmisse aiga massa, ent nüüd ei anna ennamb Jaan tem(m)ale hobbest ni kui neil kaubeldu olli, ja nõwwap et se leppingo Jaan Oina täütusi, sest temma põld jääp kiik teggemata. 

Jaan Oina wastutas, se lepping ei olle ni, et minna temmale hobbese möije, min(n)a lubbasi enne temma töö tetta 6 rbl eest. 5 rbl olle minna kül wasta wõtnu, nink 1 rbl masmata; temma teggi minno hobbesele liga ja es anna kõrralist toitu kui leppitu olli, seperrast es anna minna temmale hobbest ennamb töö tetta. -

Kohtuarwaminne: Jaan Oina peap ni kui ta essi om lubbanu, kiik Mihkli Kaddaja töö teggewa hobesega; nikawwa, kui süggiseni, mes Mihklil tetta, ehk masku 5 rbl taggasi mes leppingo aiga wõetu kuwwe päiwa sissen, ni et Mihkel selle rahha eest muijalt palgata wõip. -

                           Koggokonna kohtuwannemb: J Pihho

                                  do              kohtomees       Tomas Hämalane

                                  do                   do                  Peep Tobree  XXX

                                    Kirjotaja  P. Black