Wanna Koiola koggokonna kohtun, Wissel, sel 1matsel septembril 1869.

Wõrro Krono metsaherra kaibusse päle 1matsel april s.a. Nr 104, saije Jaan Kattai ette kutsutus, et tem(m)a hakku Krono metsast om tonu, mes mõtsawht Wreemann üllesandnu, nink nüüd nõwwap motsaherra kirjaga 18 kopkat trahwi - mes awwlikkus sanu, nink Jaan Kattai peap wälja masma. -

                        Koggokonna kohtowannemb: J Pihho

                           do                 kohtomees        Peep Tobree  XXX

                           do                     do                   Toma Häm(m)alänne  XXX

                                        Kirjotaja P. Black

                                                                                                   #

Hindrek Moisto kaibap et Jakob  Wremann temma poiga pesnu karja man, ni et täl sälg om sinnine olnu, ja nõwwap selle pesmisse eest 12 rubl. Jacobi käest.

Jacob Wreemann and sellepäle wastust minno omma poig ja minno pojasi poig olliwa karjan, ent minna saije neile mitto kõrd, kui ellaja wiljan olliwa, ja keli neid jobba selleperrast et kurja es saas tettus. Kui minna jälle ütskõrd karja manno saije olliwa neil ellaja keswan, sis leije minna ommale pojale 8 kõrd, ja tem(m)a pojale 4 kõrd ütte wäiko witsaga, sedda näggi ka Hans Rihm, ke tolkõrral man sais.