Gustaw Kirschberg kaibas et temmal ollewat üts kast kiike riete nink hõbbe asjatega Jaan Juttusse kätte pantis antu üts wõtti temma nink tõine wõtti Kohtomehe käen olnu, agga nüüd ollewat temma krami ärra müünu agga mitte terminis temma käest küsitu kas wälja wõttap wai mitte, ja olnu kiik se kraam temma henda taksseremisse perra olnu kelle wahhel agga temma hinna perra 56 Rbl 65 kop. wahhet ollewat. 

Juttus ollewat neid asju takserinu nimelt: 

14 kätte rätti 7 Rbl Kirschbergi hind 12 Rbl.

10 laudlinna  11   "          "                     30 "

6 kätte rätti   3  "          "                       4  "   35

4 padjapora  2  "           "                      2   "   80

6 weikest laudlinna 2 Rbl      "            3   "

2 suurt         "            2  "         "            6   "

5 sängi linad             5  "                      10  "

1 kätte rätti kang      3  "         "             6  "

1    "           "                2  "        "              4  "

1    "           "                2  "        "              4  "

8 paari noad kahwli 2  "        "              2  "   50

6 hõbe telusikat       6  "        "            10  "

2 suurt     "                4  "        "              8  "

13 Rbl. hõbe rahha 13  "        "            15  "

2 kanga tükki             2  "        "            5   "

Summa 66 Rbl                                  122 R. 65 kop.

Jaan Juttus wastas et termin om möda lännu kasti ei olle wälja wõetu ja sest sadik om se kast kiige kramiga temmale jäänuu selle hinna est mes sis pantus om saanu.

Peakohtomees Mihkelt Tiks wastas et wõtti om temma käen olnu Juttus küssinu wõttid rõiwit tuluta ja lubanu kasti temma mannu tuwwa ehk wõttind agga mitte katte kumatki toonu.

Mõistetu: Et neil asjadel se kõrd hind peale panti ja selle est pandis jäiwa sai Kirschbergi kaibus tühjas mõisted nink Juttus massap kohtomehe wälja petsmise est 3 Rbl. trahwi.