Wanna Koiola kogokonna kohtun, sel 20tal oktoobril 1869

Worro Krono metsa herra käest sai käsk nimmetetu koggokonna kohtole ja wallawannembale antus - Wanna Koiola kroono metsa, metsa wahi Jaan Jännese jakko ülle kaeda. Toine metsa waht Peter Jaansoon om metsa herrale kaibanu, et Jaan Jannese jaggo metsa om ka nisam(m)a läbbi raotuid kanda täis, kui muugi jaggo. Ja temmale ei arwata süüda:

Sepäle lätsiwa 16 oktoobril sedda ülle kaema, metsaherra Leucfeld, koggokon(n)a kohtowannemb Jaan Pihho, kohtomees Peep Tobre nink wallawannemb Samuel Härms ja neidega ütten metsawaht Jaan Jännes ja kaebaja, motsawaht Peter Jaansoon. 

Eesmalt weije Peter Jaansoon, kesset mõtsa sure palgi metsa alla, sinna olli waikeisi kuusi 1 wersok ja penemaid kannu päält jalla korgest maha raotu, ossast tüwwest sülle piju tük ärra wõetu, ossast koige latwaga sääl neid kandu olli 207 ülle kolme platsi. Se näüt wälja et ne kannu, mitte warga rajotu kannu es wõi olla et neist üttegi tullo kellegi es woi saada, enge üttel kurjal kiusajal, kes seega taht metsawahti Jännest ilma süüda hädda sisse panda. -

Peter Jaansoon käest saije küssetus, sinna peat sinna wiima kos warrastetu kannu ommawa, ni kui sinna ollet kaibanu, ses widdi metsa mööda eddesi ja taggasi, kui wiimate 10 wanna kandu näudata wõise, kelle eest olliwa jo warga trahwitu, mes enne ennamb neide arw olli metsa herrale ülles antu. Eennamb kostki es moista Peter Jaansoon motsawahhi Jännese mõtsa jao pidaja warrastetu kände näüdata. -

Sel nimmetetu päiwal, and Mihkel Plakso ja Timmost Jaan Lukkasson tunnistust et Peter Jaansoon, om omma sit Joosu walda perris platsi pääle ärra, ke seeasta ärra weddanu, nisamma kui minnewal aastal, kumma  wimatse asja perast temma koggokonna kohtust trahwitus sai, metsaherra nink wallawallitsusse kaibusse pääle. Nisam(m)a jaije tulli minnewa aasta koggokonna kohto poolt kowwaste ärra keeltus, et pohku mõtsa wahhi platsi päält weel, seda wahhemb sitta, wõip ärra weetus tohti saada; ent sedda keeldo ei olle Peter Jaansoon misseski pandnu, ja seaasta ka sitta ärra wedanu. -

                                Koggokonna kohtowannemb: J. Pihho

                                              Kohtomees:   Peep Tobree

                                Wallawannemb: S. Härms

                                                                           Tunnistus

Wõrro Krono metsa herra Leucfeld kuulut Wanna Koiola koggokonna kohtowannembale, mõtsawahhi Peter Jaansooni kaebusse kirja etta, mes temma Riga kaibanu, ja nõudse seda tunnistust, kas Hans Rihm om Peter Jaansooni käest Pikkasilla mõtsawahhi platsi wäggese nõudnu ja rahha paknu. Se ülle and koggo-

kon(n)a kohtowannemb Jaan Pihho tunnistust ja pannep ka sinna 2 toist tunnistajat manno wöörmöndre Aado Hurt, ja kihhelkonna kohtomees Jacob Black ke sel kõrra man olliwa, kui Peter Jaansoon Wõrro lina turro platsi pääl omma metsawahhi platsi Hans Rihm´ale 200 rbl eest pakke, ehk kui Hans Rihm jälle ütte aasta tõwwu weel selle platsi päält lasses temal hendale wõtta. - Sepäle wastut Hans Rihm, misperrast minna sinnole rahha massa, ehk tõwwu lasses tetta, agga see Kroono plats wist sinno käen anda ei olle. Päle selle om Peter Jaansoon, ka muile sedda platsi paknu, kui 200 rbl saas. -

            Wanna Koiola koggokon(n)a kohto wannemb: J Pihho

                                   Kirjotaja: P. Black